Google Layoffs: तंत्रज्ञान कंपनी गुगलने अलीकडेच त्यांच्या प्लॅटफॉर्म आणि डिव्हाइस युनिटमधून मोठ्या संख्येने कर्मचाऱ्यांना काढून टाकण्याचा निर्णय घेतला आहे. प्रभावित टीम अँड्रॉइड ऑपरेटिंग सिस्टम, पिक्सेल स्मार्टफोन आणि क्रोम ब्राउझर सारख्या उत्पादनांवर काम करत होत्या. यावर्षी जानेवारीमध्ये कंपनीने या विभागांच्या कर्मचाऱ्यांना स्वेच्छेने नोकरी सोडण्याचा पर्यायही दिला होता.
गुगलच्या प्रवक्त्याने द इन्फॉर्मेशनला सांगितले की, 'गेल्या वर्षी प्लॅटफॉर्म आणि डिव्हाइसेस टीम्स विलीन केल्यापासून, आम्ही अधिक कार्यक्षमतेने काम करण्यावर लक्ष केंद्रित केले आहे आणि त्यात जानेवारीमध्ये आम्ही सादर केलेल्या स्वैच्छिक निर्गमन कार्यक्रमाव्यतिरिक्त काही नोकऱ्यांमध्ये कपातीचा समावेश आहे.'
हेही वाचा – PAN-Aadhaar Linking Deadline: 'या' तारखेपर्यंत आधार-पॅन लिंक करा! अन्यथा होऊ शकते मोठे नुकसान
खर्च कमी करण्यासाठी घेतला निर्णय –
दरम्यान, प्रभावित भूमिकांची नेमकी संख्या उघड केलेली नसली तरी, हे पाऊल गुगलच्या कामकाज सुलभ करण्यासाठी आणि खर्च कमी करण्यासाठीच्या व्यापक धोरणाचे प्रतिबिंबित करते, असे कंपनीने म्हटले आहे. इतर अनेक टेक दिग्गजांप्रमाणे, कंपनी बदलत्या व्यवसायाच्या गरजा आणि बाजारातील परिस्थिती लक्षात घेऊन त्यांच्या टीम स्ट्रक्चर्सचा आढावा घेत आहे.
हेही वाचा – UPI Down: यूपीआय सर्व्हर पुन्हा डाउन! GPay, PhonePe, Paytm वापरकर्त्यांना करावा लागतोय अडचणींचा सामना
आर्टिफिशियल इंटेलिजेंस (एआय) च्या वाढत्या प्रभावामुळे आणि जागतिक आर्थिक अनिश्चिततेमुळे अमेझॉन, इंटेल आणि गोल्डमन सॅक्ससह अनेक जागतिक कंपन्या नोकऱ्या कमी करत असताना ही घटना घडली आहे. आधीच्या अहवालांनुसार, Amazon दरवर्षी 3 अब्ज डॉलर वाचवण्यासाठी सुमारे 14,000 व्यवस्थापकीय पदे कमी करण्याची योजना आखत आहे, तर इंटेल 2024 मध्ये लक्षणीय आर्थिक तोटा झाल्यानंतर मोठ्या पुनर्रचनेची तयारी करत आहे.
झोमॅटोनेही केली कर्मचारी कपात –
अलीकडेच, अन्न वितरण कंपनी झोमॅटोने त्यांच्या ग्राहक समर्थन विभागातील शेकडो कर्मचाऱ्यांना कामावरून काढून टाकले होते. याशिवाय, क्विक डिलिव्हरी प्लॅटफॉर्म ब्लिंकिटला तोटा सहन करावा लागत आहे. कंपनीने सुमारे 600 कर्मचाऱ्यांना कामावरून काढून टाकले आहे.
