‘कान्स’च्या रेड कार्पेटवर प्राजक्ता माळीचा अस्सल मराठी ठसका! फोटो पाहिलात का?

Prajakta Mali Cannes Look : फुलवंतीच्या अदावर झाले सर्वचं फिदा...; ''कान्स''च्या रेड कार्पेटवर प्राजक्ता माळीचा अस्सल मराठी ठसका! फोटो पाहिलात का?

दर वर्षी प्रमाणे यंदाही कान्स फिल्म फेस्टिव्हल 12 मे ते 23 मे असा आयोजित करण्यात आला आहे. यंदा कान्स फिल्म फेस्टिव्हलमध्ये मराठी मनोरंजनविश्वाच्या कलाकारांनी देखील हजेरी लावली आहे.

यावेळी मराठीतले दिग्गज अभिनेते अशोक सराफ, अभिनेत्री निवेदिता सराफ, अभिनेत्री प्राजक्ता माळी आणि सोशल मीडिया इन्फ्लुएन्सर कोकण हार्टेट गर्ल म्हणजेच अंकिता वालावलकर यांनी कान्सच्या रेड कार्पेटवर दिमाखदार एन्ट्री घेतली.

यादरम्यान मराठी अभिनेत्री प्राजक्ता माळीने आपला फुलवंती अंदाज म्हणजेच ठसकेदार मराठमोळ्या लूकने कान्समधील सर्वांचा नजरा वेधल्या आहेत. पारंपारिक मराठी नऊवारी त्याच्यावर साजेसा श्रृगांर यांसह ''कान्स''च्या रेड कार्पेटवर प्राजक्ता माळीचा मराठमोळा अंदाज गाजला आहे.

तिने साकारलेल्या या लूकमुळे भारतातून खासकरून महाराष्ट्रातून तिच्यावर मोठ्या प्रमाणात प्रेमाचा वर्षाव होत आहे. तिने महाराष्ट्राची आणि मराठी संस्कृत अभिमानाने परदेशात मिरवली यासाठी तिचे कौतुक केले जात आहे.

या अभिमानास्पद गोष्टीवर तिने पोस्ट करत म्हटलं की, "The world famous “Red Carpet of Cannes Film Festival”.. कान च्या रेड कार्पेटवर अस्सल पारंपरिक नथ- नऊवार नेसून चालण्याचा, जगाला मराठी ठसका दाखवल्याचा आनंद अवर्णनीय आहे.. आणि अशा प्रकारे मराठीने “Main Red Carpet of Cannes Film Festival” मध्ये Debut केला. (या आधी जे मराठी कलाकार कान ला गेले ते हिंदी- हिंग्लीश चित्रपट किंवा वेगळ्या रेड कार्पेटवर चालले. {तिथे ४-५ वेगवेगळ्या थिएटर्स मध्ये फिल्म्स चालू असतात.} आम्ही मराठी कलाकार - मराठी भाषेच्या प्रसारार्थ चाललो; ह्याचा अत्यानंद."