Satish Shah Death: बॉलिवूड आणि टीव्ही जगतातील प्रसिद्ध अभिनेते सतीश शाह यांचे निधन झाल्याची दु:खद बातमी समोर आली आहे. त्यांच्या निकटवर्तीय आणि चित्रपट निर्माता अशोक पंडित यांनी सोशल मीडियावर याबाबत माहिती दिली. अशोक पंडित यांनी त्यांच्या एक्स (Twitter) अकाउंटवर एक व्हिडिओ शेअर करत सांगितले की, ‘सतीश सुरुवातीला घरी होते, परंतु मूत्रपिंड निकामी झाल्याने त्यांची तब्येत बिघडली. त्यांना दादर येथील हिंदुजा रुग्णालयात दाखल करण्यात आले, जिथे डॉक्टरांनी त्यांना मृत घोषित केले.’
दरम्यान, 26 ऑक्टोबर रोजी सतीश शाह यांच्यावर अंत्यसंस्कार केले जाणार आहे. त्यांचे पार्थिव सध्या रुग्णालयात आहे. सतीश शाह यांनी त्यांच्या कारकिर्दीत टीव्ही आणि चित्रपट दोन्ही क्षेत्रात अविस्मरणीय कामगिरी केली. “ये जो है जिंदगी”, “मेनें प्यार किया”, “हम आपके हैं कौन”, “ओम शांती ओम” अशा अनेक लोकप्रिय चित्रपटांमध्ये त्यांनी भूमिका साकारल्या होत्या. त्यांच्या निधनामुळे संपूर्ण मनोरंजनसृष्टीवर शोककळा पसरली आहे.
Sad and shocked to inform you that well known actor & a great human being Satish Shah has expired an hour ago due to Kidney failure .
A great loss to the industry .
Om Shanti
?????? pic.twitter.com/tWpXgwZJTr — TheAshokePanditShow (@ashokepanditshw) October 25, 2025
सतीश शाह यांची कारकीर्द केवळ बॉलिवूडमध्येच नाही तर टेलिव्हिजनवरही यशस्वी ठरली. त्याने “साराभाई vs साराभाई” सारख्या शोसह अनेक सुपरहिट मालिकांमध्ये काम केले. अभिनेत्याच्या जाण्याने केवळ त्याच्या कुटुंबालाच नाही तर त्याच्या चाहत्यांना मोठा धक्का बसला आहे.
