Stock Market Holiday: उद्या म्हणजेच 2 ऑक्टोबर रोजी गांधी जयंती आणि दसऱ्यानिमित्त देशभरात सार्वजनिक सुट्टी आहे. या काळात सर्व सरकारी आणि गैर-सरकारी कार्यालये, शाळा आणि महाविद्यालये बंद राहतील. त्यामुळे आता लोकांना प्रश्न पडला आहे की 2 ऑक्टोबर रोजी शेअर बाजार बंद राहतील की चालू? गुरुवारी राष्ट्रीय शेअर बाजार (NSE) आणि बॉम्बे स्टॉक एक्सचेंज (BSE) मध्ये कोणतेही व्यवहार होणार नाहीत. दोन्ही एक्सचेंजवरील सर्व व्यवहार उद्या स्थगित राहतील.
या महिन्यात बाजार 11 दिवस बंद राहणार
गुंतवणूकदारांना या आठवड्यात व्यवहार करण्यासाठी चार व्यापार दिवस उपलब्ध असतील. शनिवार आणि रविवारच्या साप्ताहिक सुट्ट्यांसह एकूण 11 दिवस शेअर बाजार बंद राहतील. अधिकृत ट्रेडिंग हॉलिडे कॅलेंडरनुसार, नॅशनल स्टॉक एक्सचेंज (NSE) आणि बॉम्बे स्टॉक एक्सचेंज (BSE) ऑक्टोबर 2025 मध्ये तीन सुट्ट्यांवर बंद राहतील. तथापि, दिवाळी 2025 रोजी एक तासाचे विशेष ट्रेडिंग सत्र आयोजित केले जाईल.
हेही वाचा – Gold Rate Today: ऐन सणाच्या काळात सोन्याच्या किमतीत मोठी वाढ; आजचे दर जाणून घ्या
NSE च्या ट्रेडिंग कॅलेंडरनुसार, 2 ऑक्टोबर रोजी दसरा आणि गांधी जयंतीनिमित्त बाजार बंद राहील. त्यानंतर, 21 ऑक्टोबर रोजी दिवाळी 2025 साठी इक्विटी आणि डेरिव्हेटिव्ह्ज ट्रेडिंग होणार नाही. शिवाय, 22 ऑक्टोबर रोजी बलिप्रदासाठी नॅशनल स्टॉक एक्सचेंज (NSE) आणि बॉम्बे स्टॉक एक्सचेंज (BSE) वर ट्रेडिंग स्थगित राहील. मल्टी कमोडिटी एक्सचेंज (MCX) आणि करन्सी डेरिव्हेटिव्ह्ज देखील तिन्ही दिवस बंद राहतील.
हेही वाचा – RBI Monetary Policy 2025: रेपो दर 5.5 टक्क्यांवर कायम; तुमचा EMI कमी होणार नाही
दिवाळीचा मुहूर्त ट्रेडिंग सत्र
दरम्यान, BSE आणि NSE ने 22 सप्टेंबर रोजी एक परिपत्रक जारी केले ज्यामध्ये दिवाळीचा मुहूर्त ट्रेडिंग सत्र 21 ऑक्टोबर रोजी होणार असल्याचे नमूद केले आहे. दिवाळी मुहूर्त ट्रेडिंग सत्र दुपारी 1:45 वाजता सुरू होईल आणि दुपारी 2:45 वाजता बंद होईल. याचा अर्थ असा की दिवाळीच्या दिवशी बाजार एक तासासाठी खुला असेल. दिवाळी मुहूर्त ट्रेडिंग सत्रादरम्यान केलेल्या सर्व व्यवहारांवर सेटलमेंट बंधने लागू होतील, असे नॅशनल स्टॉक एक्सचेंज ऑफ इंडिया लिमिटेडने त्यांच्या परिपत्रकात म्हटले आहे.
