Premium Petrol Price Hike: प्रीमियम पेट्रोल महागले! आजपासून दरवाढ लागू; जाणून घ्या तुमच्या शहरातील नवीन दर

Premium Petrol Price Hike: देशभरातील वाहनधारकांसाठी इंधन दरवाढीची मोठी बातमी समोर येत आहे. शुक्रवार, 20 मार्च 2026 पासून प्रीमियम पेट्रोलच्या किमतीत वाढ करण्यात आली आहे. विविध तेल कंपन्यांनी त्यांच्या प्रीमियम इंधन प्रकारांच्या दरात प्रति लिटर 2.09 ते 2.35 पर्यंत वाढ केली आहे. आंतरराष्ट्रीय बाजारात कच्च्या तेलाच्या किमतीत होणारे चढ-उतार आणि भू-राजकीय तणावामुळे हा निर्णय घेण्यात आला आहे.

प्रमुख कंपन्यांच्या प्रीमियम पेट्रोलचे नवे दर
भारतातील आघाडीच्या तेल कंपन्यांनी त्यांच्या प्रीमियम ब्रँड्सच्या किमतीत वाढ केली आहे. यामध्ये BPCL चे ‘Speed’, HPCL चे ‘Power’, IOCL चे ‘XP95’ या इंधन प्रकारांसाठी ग्राहकांना आता अतिरिक्त पैसे मोजावे लागणार आहेत. पेट्रोलियम आणि नैसर्गिक वायू मंत्रालयाच्या संयुक्त सचिव सुजाता शर्मा यांनी स्पष्ट केले की, एकूण पेट्रोल वापरामध्ये प्रीमियम पेट्रोलचा वाटा केवळ 2 ते 4 टक्के इतकाच असल्याने याचा परिणाम मर्यादित वर्गावर होईल.

नियमित पेट्रोल आणि डिझेलच्या दरात दिलासा
प्रीमियम पेट्रोल महागले असले तरी, सर्वसामान्यांसाठी दिलासादायक बाब म्हणजे नियमित (Regular) पेट्रोलच्या दरात कोणताही बदल करण्यात आलेला नाही. साध्या पेट्रोल आणि डिझेलच्या किमती तूर्तास स्थिर ठेवण्यात आल्या आहेत. मात्र, दुसरीकडे औद्योगिक डिझेलच्या किमतीत प्रति लिटर 22.02 ची मोठी वाढ करण्यात आली आहे, ज्याचा परिणाम उद्योग क्षेत्रावर होऊ शकतो.

हेही वाचा – China Gold Buying Strategy : अमेरिकेचे युद्धावर लक्ष, तर चीन जमा करतोय सोन्याचा डोंगर; काय असेल ड्रॅगनची नवी आर्थिक रणनीती?

घबराने की कोई आवश्यकता नहीं है। अतिरिक्त कच्चे तेल के कार्गो पहले से रास्ते में हैं और आने वाले दिनों में आपूर्ति और मजबूत होगी। देश की ऊर्जा आवश्यकताओं को पूरा करने के लिए पर्याप्त व्यवस्था की गई है।@HardeepSPuri @PetroleumMin @TheSureshGopi @Secretary_MoPNG @neerajmittalias… pic.twitter.com/RaM7t0aT9c — Hindustan Petroleum Corporation Limited (@HPCL) March 19, 2026

जागतिक परिस्थिती आणि इंधन पुरवठा
मध्यपूर्वेतील (Middle East) वाढता तणाव आणि इराणने ऊर्जा पायाभूत सुविधांवर केलेल्या हल्ल्यांमुळे कच्च्या तेलाच्या किमतींनी 110 डॉलरचा टप्पा ओलांडला होता. मात्र, प्रमुख युरोपीय राष्ट्रे, जपान आणि अमेरिकेने पुरवठा सुरळीत ठेवण्यासाठी केलेल्या प्रयत्नांमुळे किमती 105 डॉलरपर्यंत खाली आल्या आहेत. हिंदुस्तान पेट्रोलियम कॉर्पोरेशन लिमिटेडने (HPCL) सोशल मीडियाद्वारे स्पष्ट केले आहे की, कच्च्या तेलाचा पुरवठा विस्कळीत झालेला नाही आणि अतिरिक्त साठे मार्गावर आहेत, त्यामुळे ग्राहकांनी अफवांवर विश्वास ठेवू नये.