IND vs PAK Asia Cup Final: भारत आणि पाकिस्तानमधील आशिया कप फायनलपूर्वीच नाट्यमय घडामोडी घडल्या आहेत. पाकिस्तान क्रिकेट बोर्डाने (PCB) आंतरराष्ट्रीय क्रिकेट परिषदेला (ICC) अर्शदीप सिंगविरुद्ध तक्रार दाखल केली आहे. पाकिस्तानी न्यूज वेबसाइट जिओटीव्हीनुसार, पीसीबीने अर्शदीप सिंगवर भारत-पाकिस्तान सामन्यात 'आक्षेपार्ह हावभाव' केल्याचा आरोप केला आहे.
भारत आणि पाकिस्तान यांच्यातील अंतिम सामन्यापूर्वी अर्शदीप सिंगने केलेल्या वर्तनाबद्दल पीसीबीने आयसीसीला कारवाई करण्याची विनंती केली आहे. पाकिस्तानने अर्शदीपवर प्रेक्षकांकडे अनैतिक हावभाव करून आयसीसीच्या आचारसंहितेचे उल्लंघन केल्याचा आरोप केला आहे. भारत विरुद्ध पाकिस्तान सुपर फोर सामन्यात आधीच बराच वाद निर्माण झाला आहे. विमान अपघाताच्या हावभावाबद्दल हरीस रौफला त्याच्या सामन्याच्या फीच्या 30 टक्के दंड ठोठावण्यात आला आहे.
हेही वाचा – IND vs PAK Final : या दोन दिग्गजांचा खराब फॉर्म टीम इंडियासाठी मोठी डोकेदुखी; प्रशिक्षक गौतम गंभीरला टेन्शन!
आशिया कपमध्ये भारत आणि पाकिस्तान आतापर्यंत दोन सामने खेळले आहेत आणि दोन्ही सामने आधीच वादात अडकले होते. यापूर्वी पीसीबीने भारतीय कर्णधार सूर्यकुमार यादवला लक्ष्य केले होते, जेव्हा त्याने पाकिस्तानी खेळाडूंशी हस्तांदोलन करण्यास नकार दिला. तसेच भारतीय संघाचा विजय पहलगाम दहशतवादी हल्ल्यातील पीडितांना समर्पित केला होता.
हेही वाचा – India Vrs Pakistan Final: एशिया कप 2025 फायनल : पावसाने अडथळा आणला तर चषक कोणाचा?
सध्या, 21 सप्टेंबर रोजी भारत-पाकिस्तान सुपर फोर सामन्यापूर्वी अर्शदीप सिंगच्या सहभागाबाबत पीसीबीने चिंता व्यक्त केली आहे. पीसीबीच्या म्हणण्यानुसार, अर्शदीपने ICC च्या आचारसंहितेचे उल्लंघन केले असून खेळाची बदनामी केली आहे. याच वादात, ICC ने आधीच भारताचे कर्णधार सूर्यकुमार यादव आणि पाकिस्तानी गोलंदाज हरिस रौफ यांना दोषी ठरवून त्यांच्या सामन्याचा 30 टक्के शुल्क दंड ठोठावला आहे. या घटनेमुळे आशिया कपच्या भारत-पाकिस्तान सामन्याआधी नवीन वादाला तोंड फुटले आहे.
