Central Bank of India: जर तुमचे खाते 'सेंट्रल बँक ऑफ इंडिया'मध्ये असेल, तर ही बातमी तुमच्यासाठी महत्त्वाची आहे. बँकेने आपल्या प्रणालीमध्ये सुधारणा (System Upgrade) आणि नियोजित देखभालीचे काम हाती घेतले आहे. यामुळे पुढील 2 दिवस ठराविक वेळेत एटीएम (ATM) सेवा पूर्णपणे बंद राहणार असल्याचे बँकेकडून स्पष्ट करण्यात आले आहे.
बँकिंग सेवा कधी आणि किती वेळ विस्कळीत असेल?
बँकेने दिलेल्या माहितीनुसार, देखभाल प्रक्रियेमुळे खालील वेळेत व्यवहार करता येणार नाहीत:
24 फेब्रुवारी 2026: मध्यरात्री 12:00 ते पहाटे 2:00 वाजेपर्यंत.
25 फेब्रुवारी 2026: दोन टप्प्यांत सेवा विस्कळीत होईल –
मध्यरात्री 12:00 ते पहाटे 2:00 वाजेपर्यंत.
पहाटे 3:00 ते सकाळी 6:00 वाजेपर्यंत.
या कालावधीत ग्राहकांना एटीएममधून पैसे काढणे, शिल्लक तपासणे (Balance Enquiry) किंवा इतर कोणतेही एटीएम व्यवहार करता येणार नाहीत.
डिजिटल पर्यायांचा वापर करण्याचा सल्ला
बँकेने ग्राहकांना होणाऱ्या गैरसोयीबद्दल दिलगिरी व्यक्त केली आहे. सुरक्षित आणि वेगवान बँकिंग अनुभवासाठी ही तांत्रिक प्रक्रिया आवश्यक असल्याचे बँकेचे म्हणणे आहे. ज्या ग्राहकांना तातडीने रोख रकमेची गरज भासणार आहे, त्यांनी ही वेळ लक्षात घेऊन आगाऊ पैसे काढून ठेवावेत. या काळात ग्राहक UPI, नेट बँकिंग किंवा कार्ड पेमेंट यांसारख्या पर्यायी डिजिटल मार्गांचा वापर करू शकतात.
हेही वाचा – ITR Refund Scam: तुमचा आयटीआर रिफंड रखडलाय? मग चुकूनही 'या' मेसेजला उत्तर देऊ नका, अन्यथा बसेल मोठा फटका
नियोजित देखभालीचे महत्त्व
तज्ज्ञांच्या मते, बँकिंग नेटवर्क सुरक्षित ठेवण्यासाठी आणि सर्व्हरची कार्यक्षमता वाढवण्यासाठी अशा प्रकारची देखभाल (Maintenance) वेळोवेळी करणे अनिवार्य असते. यामुळे भविष्यातील तांत्रिक बिघाडांचा धोका कमी होतो. ही सेवा तात्पुरती बंद असून, काम पूर्ण होताच सर्व सेवा पूर्ववत केल्या जातील.
