Prithvi Shaw Akriti Agarwal Relationship: भारतीय क्रिकेटपटू पृथ्वी शॉ आणि त्याची होणारी पत्नी आकृती अग्रवाल यांचे नाते सध्या एका कठीण टप्प्यातून जात असल्याच्या चर्चा सोशल मीडियावर रंगल्या आहेत. आकृतीने तिच्या अधिकृत इन्स्टाग्राम अकाऊंटवरून पृथ्वी शॉला ‘अनफॉलो’ केल्याचे समोर आले आहे. एवढेच नव्हे तर, तिने त्यांच्या साखरपुड्याचे सर्व फोटोही प्रोफाईलवरून हटवले आहेत. या घडामोडींमुळे या जोडीचा ब्रेकअप झाल्याच्या अफवांना चांगलाच वेग आला आहे.
इन्स्टाग्राम पोस्टमधून फसवणुकीचे संकेत?
फक्त फोटो हटवणे किंवा अनफॉलो करण्यापुरतीच ही गोष्ट मर्यादित राहिलेली नाही, तर आकृतीने सोशल मीडियावर शेअर केलेल्या काही पोस्ट्स सध्या सर्वांचे लक्ष वेधून घेत आहेत. यातील एका पोस्टमध्ये तिने साखरपुड्यानंतर आपली फसवणूक झाल्याचे सूचक संकेत दिले आहेत. तर दुसऱ्या एका पोस्टमध्ये, तिने पृथ्वी शॉबद्दल इंटरनेटवर सुरू असलेल्या उलटसुलट चर्चा खऱ्या असल्याचा दावा केला आहे. आकृतीने तिच्या कोणत्याही पोस्टमध्ये पृथ्वीच्या नावाचा थेट उल्लेख केला नसला, तरी चाहत्यांच्या मते हे आरोप थेट या तरुण क्रिकेटपटूवरच आहेत.
मार्च 2026 मध्ये झाला होता साखरपुडा
पृथ्वी शॉ आणि आकृती अग्रवाल यांनी याच वर्षी म्हणजेच मार्च 2026 मध्ये त्यांचा साखरपुडा झाल्याची घोषणा करत सर्वांना सुखद धक्का दिला होता. त्यावेळी या जोडप्याचे रोमँटिक फोटो प्रचंड व्हायरल झाले होते आणि क्रीडा जगतातून त्यांच्यावर शुभेच्छांचा वर्षाव झाला होता. त्यापूर्वी हे दोघे बराच काळ एकमेकांना डेट करत होते. मात्र, विवाहबंधनात अडकण्यापूर्वीच, अवघ्या चार महिन्यांत त्यांच्यात मतभेद झाल्याचे चित्र दिसत आहे.
पृथ्वी शॉची बाजू आणि अधिकृत वक्तव्याची प्रतीक्षा
आकृती अग्रवालच्या या गंभीर पोस्ट्स आणि सोशल मीडियावरील आरोप-प्रत्यारोपांवर पृथ्वी शॉ किंवा त्याच्या व्यवस्थापन टीमकडून अद्याप कोणतीही अधिकृत प्रतिक्रिया आलेली नाही. त्यामुळे त्यांचे नाते खरोखरच संपुष्टात आले आहे की हा केवळ तात्पुरता वाद आहे, हे अद्याप स्पष्ट झालेले नाही. तोपर्यंत नेटीझन्स आणि चाहत्यांकडून या प्रकरणाकडे केवळ एकतर्फी दावे म्हणूनच पाहिले जात आहे.
Prithvi Shaw Fiasco Continues…. Moment I thought everything got stable in his life,This B*mb got Dropped,both aren't together even taking dig against each other openly post unfollowing rituals?♂️?♂️?♂️ pic.twitter.com/Fpt6n275Xa — Stubbsy³⁰ (@sinha7605) July 5, 2026
कोण आहे आकृती अग्रवाल?
पृथ्वी शॉची होणारी पत्नी आकृती अग्रवाल ही सोशल मीडिया विश्वातील एक प्रसिद्ध इन्फ्लुएन्सर आणि अभिनेत्री आहे. इन्स्टाग्रामवर तिचे सुमारे 31 लाख फॉलोअर्स आहेत. तिने ‘त्रिमुखा’ (Trimukha) या तेलगू चित्रपटातून अभिनय क्षेत्रात पदार्पण केले आहे. याशिवाय ती स्वतःचे एक युट्यूब चॅनेलही चालवते, ज्यावर ती व्लॉग्स आणि लाइफस्टाईलशी संबंधित व्हिडिओ शेअर करत असते.
