New Labour Code: देशातील 40 कोटींपेक्षा अधिक कामगारांसाठी आजचा दिवस ऐतिहासिक ठरला आहे. केंद्र सरकारने नवीन चार कामगार संहिता अधिकृतपणे लागू केल्या असून आता कामगारांना अनेक नवे अधिकार, संरक्षण आणि सुविधा मिळणार आहेत. या संहितांमुळे देशातील रोजगार क्षेत्रामध्ये मोठे बदल होणार असून कामगारांच्या जीवनमानात थेट सुधारणा होणार आहे.
कामगारांसाठी काय मोठे बदल झाले?
कामगार मंत्री मनसुख मांडविया यांनी सांगितले की, या संहितांचे उद्दिष्ट देशातील प्रत्येक कामगाराला सुरक्षितता, समानता आणि सामाजिक संरक्षण प्रदान करणे आहे. मांडविया म्हणाले, ही केवळ कायद्यातील सुधारणा नसून भारताच्या कामगार कल्याणासाठीचे क्रांतिकारी पाऊल आहे. यामुळे 2047 च्या विकसित भारताच्या लक्ष्याला गती मिळेल.
हेही वाचा – Crop Insurance Scheme: पीक विम्यात क्रांतिकारी बदल! वन्य प्राण्यांपासून आणि अतिवृष्टीमुळे नुकसान झाल्यास सरकार देणार मदत
कामगार संहितेमधील नवीन हमी आणि तरतुदी
ओव्हरटाईमसाठी दुप्पट वेतनाची सक्ती
महिला आणि पुरुषांना समान वेतन
सर्व कामगारांसाठी वेळेवर किमान वेतनाची हमी
तरुणांसाठी नियुक्ती पत्र देणे अनिवार्य
40 कोटी कामगारांना सामाजिक सुरक्षा कव्हर
निश्चित मुदतीच्या कर्मचाऱ्यांना एक वर्षानंतर ग्रॅच्युइटी
40 वर्षांवरील सर्व कामगारांसाठी मोफत वार्षिक हेल्थ चेक-अप
धोकादायक उद्योगांमध्ये 100 टक्के आरोग्य सुरक्षा
आंतरराष्ट्रीय मानकांनुसार सामाजिक न्यायाची खात्री
स्वावलंबी भारताच्या दिशेने मोठी झेप
केंद्र सरकारचे मत आहे की, या संहितांमुळे कामगारांचे हक्क मजबूत होतील, सुरक्षित आणि सन्मानजनक कामाचे वातावरण मिळेल आणि औद्योगिक क्षेत्र अधिक पारदर्शक व स्थिर होईल. आजपासून लागू झालेल्या या सुधारणा देशातील कामगारांना स्थैर्य, सुरक्षात्मक वातावरण आणि आर्थिक संरक्षण देण्याच्या उद्देशाने राबवण्यात आल्या आहेत. सरकारच्या मते, या पायाभूत बदलांमुळे भारत अधिक उत्पादक, सुरक्षित आणि न्याय्य कामगार बाजारपेठेकडे वाटचाल करेल.
