IND vs SA: 46 वर्षांनंतर भारतात अद्भुत कामगिरी; वेगवान गोलंदाज मार्को जॅन्सेनने मोडला ‘हा’ पराक्रम

IND vs SA: भारत विरुद्ध दक्षिण आफ्रिका दुसऱ्या कसोटी सामन्यात भारताची टीम मोठ्या आव्हानात सापडली आहे. यजमान भारताचा पहिला डाव तिसऱ्या दिवशी फक्त 201 धावांवर संपला, ज्यामध्ये फक्त जयस्वालने अर्धशतक मारले. जयस्वालने 7 चौकार आणि 1 षटकाराच्या मदतीने 58 धावा केल्या, तर दुसऱ्या क्रमांकावर वॉशिंग्टन सुंदरने फक्त 48 धावा केल्या. भारतीय संघाच्या अर्ध्याहून अधिक फलंदाजांना बाद करण्यामध्ये दक्षिण आफ्रिकेचा वेगवान गोलंदाज मार्को जॅन्सेन याने महत्त्वपूर्ण कामगिरी बजावली. जॅन्सेनने 19.5 षटकांत 48 धावा देत 6 भारतीय फलंदाजांना बाद केले, ज्यामुळे भारतीय डाव अत्यंत दुर्बल झाला.

ऐतिहासिक कामगिरी

मार्को जॅन्सेनने भारतीय भूमीवर कसोटी क्रिकेटमध्ये पाच किंवा त्याहून अधिक बळी घेणारा दक्षिण आफ्रिकेचा चौथा वेगवान गोलंदाज ठरला आहे. ही कामगिरी करण्यापासून 10 वर्षांनंतर यान्सेनने इतिहास रचला. यापूर्वी लान्स क्लुजनर (1996), डेल स्टेन (2008, 2010), आणि काइल अ‍ॅबॉट (2015) यांनी भारतात अशी कामगिरी केली होती.

हेही वाचा – Blind Women's T20 World Cup: कौतुकास्पद! टीम इंडियाने जिंकला पहिला अंध महिला टी20 विश्वचषक

जॅन्सेन हा जगातील चौथा डावखुरा वेगवान गोलंदाज आहे ज्याने भारतातील कसोटीमध्ये पाच किंवा त्याहून अधिक बळी घेतले आहेत. मागील कामगिरी ऑस्ट्रेलियाच्या जेफ डायमॉक (1979), इंग्लंडचा जॉन लिव्हर (1976) आणि ऑस्ट्रेलियाचा अॅलन डेव्हिडसन (1959) यांनी केली होती. सध्या दक्षिण आफ्रिका दोन सामन्यांच्या कसोटी मालिकेत 1-0 ने आघाडीवर आहे.

हेही वाचा –  Smriti Mandhana’s Father Health Update: स्मृती मानधनाच्या वडिलांच्या प्रकृतीबाबत महत्वाची माहिती समोर; आता तब्येत कशी आहे?

पहिल्या डावात दक्षिण आफ्रिकेने 489 धावा केल्या, तर भारताचा प्रत्युत्तर 201 धावांवर संपला. तिसऱ्या दिवशी सामन्याच्या अखेरीस दक्षिण आफ्रिकेने 314 धावांची आघाडी घेतली आहे. दुसऱ्या डावात भारतीय गोलंदाजांना कसे सामोरं जावं लागेल, हे पाहणे मनोरंजक ठरणार आहे. मार्को जॅन्सेनच्या वेगवान गोलंदाजीने भारताच्या विजयाची शक्यता धोक्यात आणली आहे.