Vaishno Devi Yatra: पावसामुळे आणि नैसर्गिक आपत्तींमुळे माता वैष्णोदेवी यात्रेवर गंभीर परिणाम होत आहे. सलग सहाव्या दिवशी (रविवार) यात्रा थांबवावी लागली असून, मंगळवारी झालेल्या मुसळधार पावसामुळे आणि भूस्खलनामुळे परिस्थिती अधिक गंभीर बनली. या आपत्तीत आतापर्यंत 34 जणांचा मृत्यू झाला असून अनेक जण जखमी झाले आहेत.
भूस्खलन आणि ढगफुटीमुळे हाहाकार –
अर्धकुंवरी परिसरातील इंद्रप्रस्थ भोजनालयाजवळ मंगळवारी दुपारी 3 वाजल्यानंतर मोठा भूस्खलन झाला. सतत कोसळणाऱ्या पावसामुळे या घटनेत 50 हून अधिक जण जखमी झाले. त्यापैकी 30 जणांचा मृत्यू झाला असून 20 पेक्षा अधिक जखमींवर उपचार सुरू आहेत. ढगफुटीमुळे परिसरात हाहाकार माजला आहे.
यात्रेशी संबंधित सर्व सेवा रद्द, पूर्ण परतफेड –
भाविकांच्या सोयीसाठी श्री माता वैष्णोदेवी श्राइन बोर्डाने यात्रेशी संबंधित सर्व सेवा – हेलिकॉप्टर (कटरा-भवन), रोपवे (भवन-भैरों घाटी), हॉटेल बुकिंग आणि इतर सुविधा – रद्द केल्या आहेत. सर्व बुकिंगवर 100% परतफेड दिली जाणार आहे. बोर्डाने ही माहिती सोशल मीडिया प्लॅटफॉर्म X (पूर्वीचे ट्विटर) वर शेअर केली आहे. या पोस्टमध्ये म्हटले आहे की, ज्या प्रवाशांनी आधीच बुकिंग केले आहे ते त्यांची परतफेड विनंती ईमेलद्वारे पाठवू शकतात: परताव्यासाठी ईमेल: refund@maavaishnodevi.net
All bookings cancelled with 100% refund till yatra is suspended. Send cancellation requests with details to refund@maavaishnodevi.net
Earlier self-cancellations will get pending refund within 15 days.
For queries, contact SMVDSB Call Centre @ 18001807212/ +91 9906019494. — Shri Mata Vaishno Devi Shrine Board (@OfficialSMVDSB) August 31, 2025
हेही वाचा – Weather Alert: पूर आणि भूस्खलनाचा धोका वाढणार; सप्टेंबरमध्ये सामान्यपेक्षा जास्त पाऊस पडणार, IMD चा इशारा
मदत क्रमांक: 1800-180-7212, +91 9906019494
उपराज्यपालांचे स्पष्टीकरण –
जम्मू-काश्मीरचे उपराज्यपाल मनोज सिन्हा यांनी सांगितले की मुसळधार पावसाचा इशारा मिळाल्यामुळे यात्रा आधीच पुढे ढकलण्यात आली होती. मात्र अचानक झालेल्या ढगफुटीमुळे आणि भूस्खलनामुळे मोठ्या प्रमाणावर हानी झाली आहे.
