UPSC Final Result 2025: संघ लोकसेवा आयोगाने (UPSC) बहुप्रतीक्षित नागरी सेवा परीक्षेचा अंतिम निकाल आज जाहीर केला आहे. या अत्यंत प्रतिष्ठेच्या परीक्षेत अनुज अग्निहोत्री याने देशात प्रथम क्रमांक पटकावून घवघवीत यश संपादन केले आहे. यूपीएससीने अधिकृत संकेतस्थळावर यशस्वी उमेदवारांची यादी प्रसिद्ध केली असून, या निकालानंतर प्रशासकीय सेवेत रुजू होणाऱ्या नव्या अधिकाऱ्यांचे नाव निश्चित झाले आहे.
गुणवत्तेची भरारी: टॉप 20 उमेदवारांची यादी
यंदाच्या निकालात विविध राज्यांतील उमेदवारांनी आपली मोहोर उमटवली आहे. पहिल्या 20 यशस्वी उमेदवारांमध्ये अनुज अग्निहोत्री यांच्यासह राजेश्वरी सुवे एम (दुसरा क्रमांक) आणि आकांश धुल्ल (तिसरा क्रमांक) यांचा समावेश आहे.
20 उमेदवारांचे रोल नंबर आणि नावे
1 1131589 अनुज अग्निहोत्री
2 4000040 राजेश्वरी सुवे एम
3 3512521 आकांश धुल्ल
4 0834732 राघव झुनझुनवाला
5 0409847 ईशान भटनागर
6 6410067 झिनिया अरोरा
7 0818306 ए आर राजा मोहिद्दीन
8 0843487 पक्ष सचिव
9 0831647 आस्था जैन
10 1523945 उज्ज्वल प्रियांक
11 1512091 यशस्वी राज वर्धन
12 0840280 अक्षित भारद्वाज
13 7813999 अनन्या शर्मा
14 5402316 सुरभी यादव
15 3507500 सिमरनदीप कौर
16 0867445 मोनिका श्रीवास्तव
17 0829589 चितवन जैन
18 5604518 श्रुती आर
19 0105602 निसार दिशांत अमृतलाल
20 6630448 रवी राज
प्रशासकीय प्रवासाची सुरुवात
यूपीएससीच्या या निकालाद्वारे भारतीय प्रशासकीय सेवा (IAS), भारतीय परराष्ट्र सेवा (IFS), भारतीय पोलीस सेवा (IPS) आणि इतर केंद्रीय सेवांसाठी उमेदवारांची निवड करण्यात आली आहे. पूर्व परीक्षा, मुख्य परीक्षा आणि त्यानंतर झालेल्या मुलाखती अशा कठीण टप्प्यांमधून पार पडलेल्या या उमेदवारांचे देशभरातून कौतुक होत आहे. यशस्वी उमेदवारांच्या गुणांची यादी देखील लवकरच आयोगाच्या वेबसाइटवर उपलब्ध करून दिली जाणार आहे.
