National Data Hackathon : आजच्या डिजिटल युगात डेटा सायन्स आणि तंत्रज्ञानाचे क्षेत्र अफाट वेगाने विस्तारत आहे. याच पार्श्वभूमीवर, केंद्र सरकारच्या सहकार्याने ‘युनिक आयडेंटिफिकेशन अथॉरिटी ऑफ इंडिया’ (UIDAI) ने विद्यार्थ्यांसाठी एक सुवर्णसंधी उपलब्ध करून दिली आहे. जर तुम्हाला प्रत्यक्ष (Real-world) डेटावर काम करून स्वतःची प्रतिभा सिद्ध करायची असेल, तर UIDAI डेटा हॅकाथॉन 2026 तुमच्यासाठी नक्कीच फायदेशीर ठरेल. ही एक राष्ट्रीय स्तरावरील ऑनलाइन स्पर्धा असून यात अव्वल ठरणारे विद्यार्थी आकर्षक रोख बक्षिसे आणि सन्मानपत्रे पटकावू शकतात.
नेमकी काय आहे ही स्पर्धा?
UIDAI डेटा हॅकाथॉन 2026 ही एक पूर्णपणे ऑनलाइन चालणारी स्पर्धा आहे. यामध्ये सहभागी होणाऱ्या विद्यार्थ्यांना आधार नोंदणी आणि अपडेटशी संबंधित ‘अनामित’ (Anonymised) डेटा संच पुरवले जातील. या डेटाचा वापर करून सरकारी धोरणे ठरवण्यासाठी आणि यंत्रणेत सुधारणा करण्यासाठी नवीन कल्पक मार्ग शोधणे, हे या उपक्रमाचे मुख्य उद्दिष्ट आहे.
डेटाचा वापर कसा करायचा?
सहभागी विद्यार्थ्यांना मिळालेल्या डेटाचे सखोल विश्लेषण करावे लागेल. त्यातील विशिष्ट कल (Trends), पॅटर्न किंवा काही तांत्रिक विसंगती ओळखून आधार प्रणाली अधिक कार्यक्षम कशी बनवता येईल, यावर विद्यार्थ्यांना आपले निष्कर्ष सादर करायचे आहेत. थोडक्यात सांगायचे तर, तुमच्या विश्लेषण कौशल्याने आधार यंत्रणेला अधिक सक्षम बनवण्याचे उत्तर तुम्हाला शोधायचे आहे.
विजेत्यांसाठी आकर्षक बक्षिसे
या स्पर्धेतील सर्वोत्तम संकल्पनांसाठी खालीलप्रमाणे रोख बक्षिसे जाहीर करण्यात आली आहेत:
प्रथम क्रमांक: 2,00,000 रुपये आणि प्रमाणपत्र
द्वितीय क्रमांक: 1,50,000 रुपये आणि प्रमाणपत्र
तृतीय क्रमांक: 75,000 रुपये आणि प्रमाणपत्र
चतुर्थ क्रमांक: 50,000 रुपये आणि प्रमाणपत्र
पाचवा क्रमांक: 25,000 रुपये आणि प्रमाणपत्र
हेही वाचा – PVC Aadhaar Fee : आधार कार्ड महागले! नवीन वर्षात मोजावे लागणार ‘इतके’ रुपये, जाणून घ्या
सहभागी होण्यासाठी अटी किंवा पात्रता
भारतातील कोणत्याही मान्यताप्राप्त विद्यापीठ किंवा संस्थेचा विद्यार्थी यात सहभागी होऊ शकतो.
1 जानेवारी 2026 पर्यंत अर्जदाराचे वय किमान 18 वर्षे पूर्ण असावे.
ही भागीदारी वैयक्तिकरीत्या किंवा जास्तीत जास्त 5 सदस्यांच्या टीमसह करता येईल.
प्रत्येक टीमसाठी एक टीम लीडर असणे अनिवार्य आहे.
UIDAI किंवा NIC शी संबंधित व्यक्तींना यात सहभाग घेता येणार नाही.
एक विद्यार्थी केवळ एकाच टीमचा भाग असू शकतो.
नोंदणी कशी करावी? (Registration Steps)
तुम्ही खालीलप्रमाणे ऑनलाइन अर्ज करू शकता:
पोर्टल: सर्वप्रथम अधिकृत वेबसाईटला भेट द्या: https://event.data.gov.in/challenge/uidai-data-hackathon-2026/
लॉगिन: “Login to Participate” या बटणावर क्लिक करा, त्यानंतर तुम्हाला ‘जनपरिचय’ (JanParichay) पोर्टलवर रिडायरेक्ट केले जाईल.
माहिती: युजरनेम, पासवर्ड आणि मोबाईल नंबरच्या साहाय्याने लॉगिन करा. नवीन युजर्सना आधी साईन-अप करणे आवश्यक आहे.
ईमेल अपडेट: यशस्वी लॉगिननंतर पोर्टलवर तुमचा अधिकृत ईमेल ID अपडेट करण्यास विसरू नका.
अर्ज करण्याची शेवटची तारीख
या राष्ट्रीय स्पर्धेसाठी ऑनलाइन अर्ज प्रक्रिया 5 जानेवारी 2026 पासून सुरू झाली आहे. इच्छुक आणि पात्र विद्यार्थ्यांनी 20 जानेवारी 2026 पर्यंत आपली नोंदणी पूर्ण करणे आवश्यक आहे.
Participate in the National Data Hackathon to generate data-driven insights on Aadhaar. The top 5 innovative submissions will receive cash awards and certificates:
1st prize: Rs. 2,00,000/-
2nd prize: Rs. 1,50,000/-
3rd prize: Rs. 75,000/-
4th prize: Rs.… pic.twitter.com/Ld4YRjxHhO — Aadhaar (@UIDAI) January 9, 2026
