Pintu Mahadev Controversial Statement: काँग्रेसने भाजप प्रवक्ते पिंटू महादेव यांच्या वादग्रस्त विधानावरून गृहमंत्री अमित शहांना पत्र लिहून कठोर कारवाईची मागणी केली आहे. काँग्रेसचे सरचिटणीस केसी वेणुगोपाल यांनी पत्रात म्हटले आहे की, लडाख हिंसाचारावर चर्चा करताना महादेव यांनी राहुल गांधींबाबत धोकादायक विधान केले, ज्यात त्यांनी म्हटले होते की, ‘राहुल गांधींच्या छातीत गोळी मारली जाईल.’ काँग्रेसने हे विधान प्राणघातक असल्याचे आणि धोकादायक असल्याचे नमूद केले आहे.
वेणुगोपाल यांनी पत्रात म्हटले आहे की, अशा विधानांमुळे केवळ राहुल गांधींच्या सुरक्षेला धोका निर्माण होत नाही, तर संविधान, कायद्याचे राज्य आणि नागरिकांच्या सुरक्षिततेची भावना देखील कमकुवत होते. त्यांनी आरोप केला की महादेव यांच्यावर त्वरित कारवाई न केल्यास भाजप हिंसाचार सामान्य करत असल्याचा संदेश जातो.
काँग्रेसने असेही म्हटले आहे की, केंद्रीय राखीव पोलिस दल (सीआरपीएफ) राहुल गांधींच्या सुरक्षेसाठी अनेक अलर्ट जारी करत असताना, भाजप प्रवक्त्यांनी खुलेपणाने धमक्या देऊन भीतीचे वातावरण निर्माण केले आहे. काँग्रेसला हे विरोधी पक्षनेत्यांविरुद्धचे मोठे षड्यंत्र वाटत आहे. काँग्रेस पक्षाचा असा आरोप आहे की अशा विधानांमुळे लोकशाही आणि राजकीय सुरक्षिततेला गंभीर धोका निर्माण झाला आहे आणि भाजपला जबाबदार धरले पाहिजे.
??? ??? ??? ??????? ??? ??????! The Indian National Congress strongly condemns the heinous DEATH THREAT issued to LoP Shri Rahul Gandhi on live television by BJP spokesperson Pintu Mahadev. This is no off-the-cuff remark or hyperbole. This is a cold and… pic.twitter.com/v9eEsozakK — Congress (@INCIndia) September 29, 2025
हेही वाचा – Pok Deployed Army : पाकव्याप्त काश्मीरच्या रस्त्यावर उसळले जनआंदोलन; पाकिस्तान सरकारला जबरदस्त धक्का
काँग्रेसने काय मागणी केली?
काँग्रेसने आपल्या पत्रात इंदिरा गांधी आणि राजीव गांधी यांच्या हत्येचा उल्लेख केला आणि म्हटले की, राहुल गांधी या देशासाठी सर्वात मोठे बलिदान देणाऱ्या कुटुंबाचा वारसा पुढे चालवत आहेत. काँग्रेस पक्षाने भाजप आणि अमित शहा यांनी राज्य पोलिसांनी पिंटू महादेव यांच्याविरुद्ध तात्काळ कारवाई करावी अशी मागणी केली. तसेच भाजप नेतृत्वाने स्पष्ट निषेध करावा आणि जाहीर माफी मागावी, अशी मागणीही काँग्रेसने केली आहे.
