Mumbai High Court Bomb Threat: मुंबई उच्च न्यायालयाला शुक्रवारी पुन्हा एकदा बॉम्ब धमकीचा ईमेल प्राप्त झाला. या घटनेनंतर परिसरात तातडीने सुरक्षा व्यवस्था वाढवण्यात आली. पोलिसांच्या प्राथमिक तपासानुसार ही धमकी खोटी असण्याची शक्यता आहे, मात्र खबरदारी म्हणून सर्व आवश्यक उपाययोजना राबवण्यात आल्या आहेत.
सुरक्षेत वाढ –
धमकीचे ईमेल मिळताच न्यायालयाच्या आवारात आणि परिसरात सुरक्षेत मोठ्या प्रमाणात वाढ करण्यात आली. न्यायालयात प्रवेश करणाऱ्या आणि बाहेर पडणाऱ्या सर्व वाहनांची कसून तपासणी सुरू झाली असून अतिरिक्त पोलीस दल तैनात करण्यात आले आहे.
हेही वाचा – Crime News : अमेरिकेत तेलंगणातील युवकाचा मृत्यू; कुटुंबीयांची सरकारकडे मदतीची मागणी
सकाळी मिळालेल्या या ईमेलनंतर तातडीने सर्च ऑपरेशन सुरू करण्यात आले. तपासादरम्यान काहीही संशयास्पद सापडले नाही. न्यायालयाचे दैनंदिन कामकाज कोणत्याही व्यत्ययाशिवाय सुरू राहिले, असे पोलिसांनी स्पष्ट केले.
The Bombay High Court has received a bomb threat. Mumbai Police searched the High Court premises and found nothing suspicious. This is the second time the High Court has received a bomb threat. A similar threat was received recently; the entire High Court was evacuated, but… — ANI (@ANI) September 19, 2025
यापूर्वीही धमकी
ही घटना अलीकडच्या काळातील दुसरी घटना आहे. यापूर्वीही मुंबई उच्च न्यायालयाला अशाच प्रकारचा ईमेल मिळाला होता, ज्यामुळे न्यायालय तात्पुरते रिकामे करण्यात आले होते. मात्र, त्या वेळीही कोणतेही स्फोटक आढळले नव्हते.
हेही वाचा – Ayush Komkar Murder Case: माजी नगरसेविका सोनाली आंदेकरच्या अटकेसह संपूर्ण कुटुंबच पोलिसांच्या ताब्यात
तपास सुरू
या नव्या ईमेल प्रकरणात पोलीस अत्यंत गंभीरतेने तपास करत आहेत. धमकीचे मूळ शोधण्यासाठी सायबर सेलला देखील तपासात सामावून घेण्यात आले आहे. प्राथमिक चौकशीत ही धमकी केवळ खोटी असल्याचे दिसत असले तरी, न्यायालयासारख्या संवेदनशील ठिकाणी मिळालेल्या अशा संदेशांची सखोल तपासणी करणे आवश्यक असल्याचे पोलिसांनी सांगितले.
