ढाका: बांगलादेशच्या राजकारणात पुन्हा एकदा गोंधळाचे वातावरण पाहायला मिळत आहे. बांगलादेशचे अंतरिम सरकारचे पंतप्रधान मोहम्मद युनूस यांच्यावर राजीनामा देण्यासाठी दबाव वाढला आहे. देशाच्या विविध भागात त्याच्या विरोधात निदर्शने होत आहेत. बांगलादेश सैन्य ढाक्यातील रस्त्यांवर निदर्शने करत आहे. दुसरीकडे, मोहम्मद युनूस यांचे समर्थक असलेल्या बीएनपी पक्षाने सार्वत्रिक निवडणुकांसाठी रोडमॅप मागितला आहे. यासंदर्भात, बीएनपीने आज आपत्कालीन बैठक बोलावली आहे.
बांगलादेशमध्ये लष्कर आणि युनूस यांच्यातील तणाव वाढत आहे. बांगलादेशी लष्करप्रमुख वकार जमान यांनी युनूस सरकारला बेकायदेशीर घोषित केले आहे. यानंतर, संतप्त युनूस खान यांनी राजीनामा देण्याची धमकी दिली, जी सैन्याने स्वीकारली. आता युनूस राजीनामा देत नाहीत. बांगलादेशातील परिस्थिती पाहता असे दिसते की मोहम्मद युनूस यांच्या अंतरिम सरकारचा काळ संपला आहे. अहवालानुसार, युनूस पुढील काही वर्षे निवडणुका न घेता सत्तेत राहू इच्छितात. याबद्दल लष्कर युनूसच्या विरोधात बोलू लागले आहे.
हेही वाचा – केरळमध्ये 8 दिवस आधीच झाली मान्सूनची एन्ट्री!
दरम्यान, बांगलादेशचे प्रमुख जनरल वकार-उझ-जमान यांनी डिसेंबरपर्यंत देशात निवडणुका घ्याव्यात असे सांगितले. त्यानंतर बांगलादेशातील लष्कर आणि मुहम्मद युनूस यांच्यातील मतभेदाची अटकळ अधिकच वाढली. बांगलादेशच्या माध्यमांच्या वृत्तानुसार, ढाका येथे एका कार्यक्रमाला संबोधित करताना जनरल जमान म्हणाले की, निवडणुका घेण्याबाबत त्यांची भूमिका बदलणार नाही. केवळ निवडून आलेले सरकारच देशाचे भविष्य ठरवू शकते.
हेही वाचा – Mansoon 2025: 2009 नंतर तब्बल 15 वर्षांनी केरळमध्ये मान्सून लवकर दाखल
तथापि, माजी पंतप्रधान खालिदा झिया यांनीही युनूस यांच्यावर दबाव आणला आहे आणि डिसेंबरपर्यंत निवडणुका घेण्याची मागणी केली आहे. जर लवकरच निवडणुका झाल्या नाहीत तर ते अंतरिम सरकारला पाठिंबा देऊ शकणार नाहीत, असा इशाराही पक्षाने दिला आहे.
