बंगळुरु : जम्मू आणि काश्मीरमधील पहलगाम येथे पाकिस्तान समर्थित दहशतवाद्यांनी 22 एप्रिल रोजी 26 पर्यटकांची गोळ्या घालून हत्या केली. लष्कर-ए-तैयबाशी संबंधित असलेल्या रेझिस्टन्स फ्रंट (टीआरएफ) ने या हल्ल्याची जबाबदारी स्वीकारली आहे.
पहलगाम दहशतवादी हल्ल्यानंतर भारत आणि पाकिस्तानमध्ये तणाव वाढला आहे. दरम्यान, कर्नाटकचे गृहनिर्माण आणि अल्पसंख्याक मंत्री जमीर अहमद खान यांचा एक व्हिडिओ व्हायरल झाला आहे, ज्यामध्ये ते शेजारी देशाविरुद्ध युद्ध पुकारण्यासाठी आत्मघातकी बॉम्बसह पाकिस्तानला पाठवण्याची मागणी करत आहेत. शुक्रवारी पत्रकार परिषदेत खान म्हणाले की, पाकिस्तान नेहमीच भारताचा शत्रू राहिला आहे आणि जर पंतप्रधान नरेंद्र मोदी आणि केंद्रीय गृहमंत्री अमित शाह यांनी परवानगी दिली तर ते युद्धात सामील होण्यास तयार आहेत.
कर्नाटकचे मंत्री जमीर अहमद खान म्हणाले, ‘आम्ही भारतीय आहोत, आम्ही हिंदुस्थानी आहोत.’ पाकिस्तानचा आमच्याशी कधीही संबंध नव्हता. पाकिस्तान नेहमीच आपला शत्रू राहिला आहे… जर मोदी, अमित शाह आणि केंद्र सरकारने मला परवानगी दिली तर, मी पाकिस्तानात जाऊन युद्ध करण्यास तयार आहे. त्याने पंतप्रधान मोदी आणि अमित शाह यांना एक आत्मघातकी बॉम्ब देण्यास सांगितले, जो ते त्यांच्या शरीरावर बांधतील आणि पाकिस्तानात जाऊन त्यांच्यावर हल्ला करेन.
जमीर अहमद खान म्हणाले, ‘जर युद्ध झाले तर, मी तयार आहे.’ एक मंत्री म्हणून मी म्हणत आहे की, मी पाकिस्तानशी युद्ध लढण्यास तयार आहे. मी स्वतः भारताच्या वतीने युद्धात भाग घेण्यासाठी तिथे जाईन. गरज पडली तर मी आत्मघातकी बॉम्बरही बनेन. मी मस्करी करत नाहीये. देशाच्या हितासाठी, जर मोदी आणि शाह यांनी मला आत्मघातकी बॉम्बर बनवले तर मी अल्लाहची शपथ घेतो की, मी बॉम्ब स्वतःच्या शरीरावर घालून पाकिस्तानात जाईन. कर्नाटकच्या मंत्र्यांनी जम्मू आणि काश्मीरमधील पहलगाम येथे झालेल्या दहशतवादी हल्ल्याचा तीव्र निषेध केला आणि हे निष्पाप नागरिकांसोबत केलेले घृणास्पद आणि अमानवी कृत्य असल्याचे म्हटले.
#WATCH | Karnataka Minister BZ Zameer Ahmed Khan says, "…We are Indians, we are Hindustanis. Pakistan never had any relations with us. Pakistan has always been our enemy…If Modi, Amit Shah and the Central government let me, I am ready to go to battle. (02.05.2025) pic.twitter.com/HdYiZcYBIC — ANI (@ANI) May 3, 2025
हेही वाचा – किश्तवाडमध्ये लष्करी गणवेश शिवणे आणि विक्रीवर बंदी; पहलगाम हल्ल्यानंतर मोठा निर्णय
पहलगाम दहशतवादी हल्ल्याच्या निषेधार्थ प्रत्येक भारतीयाला एकत्र येण्याचे आवाहन त्यांनी केले आणि केंद्राने राष्ट्रीय सुरक्षेसाठी कठोर उपाययोजना करण्याचे आवाहन केले. 22 एप्रिल रोजी जम्मू आणि काश्मीरमधील पहलगाम येथे पाकिस्तान समर्थित दहशतवाद्यांनी 26 पर्यटकांची गोळ्या घालून हत्या केली. लष्कर-ए-तैयबाशी संबंधित असलेल्या रेझिस्टन्स फ्रंट (टीआरएफ) ने या हल्ल्याची जबाबदारी स्वीकारली आहे. हल्ल्यातून वाचलेल्या पर्यटकांनी असा दावा केला की, दहशतवाद्यांनी लोकांना त्यांचा धर्म विचारला, त्यांना कलमा म्हणण्यास सांगितले आणि जे ते करू शकले नाहीत त्यांना गोळ्या घातल्या.
या हल्ल्यानंतर, भारताने पाकिस्तानसोबतचे राजनैतिक संबंध कमी केले आणि सिंधू जलकरार निलंबित करणे, इस्लामाबाद मिशनची क्षमता कमी करणे आणि पाकिस्तानी नागरिकांना दिलेले सर्व अल्पकालीन व्हिसा रद्द करणे यासह अनेक कठोर पावले उचलली. भारताच्या या कृतीमुळे संतप्त झालेल्या पाकिस्तानने त्याच्याशी व्यापार थांबवला आणि भारतीय विमानांसाठी त्याचे हवाई क्षेत्र बंद केले.
