CBSE 10th Result 2026: केंद्रीय माध्यमिक शिक्षण मंडळाच्या (CBSE) इयत्ता 10 वीच्या परीक्षेला बसलेल्या लाखो विद्यार्थ्यांची प्रतीक्षा अखेर संपली आहे. मंडळाने दहावीचे निकाल अधिकृतपणे जाहीर केले असून, विद्यार्थी आता cbse.gov.in आणि results.cbse.nic.in या संकेतस्थळांवर जाऊन आपले गुण पाहू शकतात. निकाल पाहण्यासाठी विद्यार्थ्यांना त्यांचा रोल नंबर, शाळा क्रमांक, प्रवेशपत्र आयडी आणि जन्मतारीख यांसारख्या तपशिलांचा वापर करावा लागणार आहे.
निकाल तपासण्यासाठी सोप्या स्टेप्स
सर्वात आधी अधिकृत संकेतस्थळ results.cbse.nic.in ला भेट द्या.
मुख्यपृष्ठावर असलेल्या "CBSE Class 10 Results" या लिंकवर क्लिक करा.
तुमचा रोल नंबर, शाळा क्रमांक आणि इतर आवश्यक माहिती अचूक भरा.
माहिती भरल्यानंतर 'Submit' बटणावर क्लिक करताच तुमचा निकाल स्क्रीनवर दिसेल.
भविष्यातील संदर्भासाठी निकाल डाउनलोड करा आणि त्याची प्रिंटआउट काढून ठेवा.
DigiLocker वरून मिळवा तुमची डिजिटल गुणपत्रिका
वेबसाईटव्यतिरिक्त विद्यार्थी DigiLocker ॲप किंवा digilocker.gov.in वरूनही त्यांचा निकाल आणि गुणपत्रिका (Scorecard) मिळवू शकतात. यासाठी विद्यार्थ्यांनी आपल्या नोंदणीकृत मोबाईल क्रमांकाद्वारे लॉग-इन करणे आवश्यक आहे. लॉग-इन केल्यानंतर 'Education' सेक्शनमध्ये जाऊन CBSE Class 10 Result वर क्लिक करा. आवश्यक माहिती भरताच तुमची मूळ गुणपत्रिका डिजिटल स्वरूपात उपलब्ध होईल. अधिकृत संकेतस्थळावर निकालाची गर्दी असल्यास डिजीलॉकर हा विद्यार्थ्यांसाठी एक उत्तम आणि जलद पर्याय ठरणार आहे.
