Atal Pension Yojana Rule : भारत सरकारच्या अटल पेन्शन योजनेत (APY) मोठा बदल करण्यात आला आहे. आता या योजनेत नोंदणीची प्रक्रिया (Registration Process) बदलण्यात आली असून, 1 ऑक्टोबर 2025 पासून केवळ नवीन फॉर्मद्वारेच (New Form) अर्ज स्वीकारले जात आहेत. या बदलांची माहिती नसल्यास योजनेचा लाभ घेताना तुम्हाला अडचणी येऊ शकतात. पेन्शन फंड नियामक आणि विकास प्राधिकरण (PFRDA) यांच्या मार्गदर्शक तत्त्वांनुसार हे बदल करण्यात आले असून, पेन्शनशी संबंधित सेवा अधिक चांगल्या करण्यासाठी हा निर्णय घेण्यात आला आहे, अशी माहिती टपाल विभागाने (डाक विभाग) एका अधिकृत अधिसूचनेत दिली आहे.
काय आहेत अटल पेन्शन योजनेचे नवे नियम?
योजनेचा लाभ केवळ भारतीय नागरिकांनाच मिळावा यासाठी सरकारने अर्जाच्या स्वरूपात काही महत्त्वाचे बदल केले आहेत.
नवीन फॉर्म अनिवार्य: आता अटल पेन्शन योजनेचा लाभ घेण्यासाठी अर्जदारांना केवळ बदललेल्या (नवीन) फॉर्ममध्येच अर्ज सादर करावा लागेल.
परदेशी नागरिकत्वाची माहिती: नवीन फॉर्ममध्ये अर्जदारांना परदेशी नागरिकत्वाची (Foreign Citizenship) माहिती देणे बंधनकारक असेल. म्हणजेच, ते इतर कोणत्याही देशाचे नागरिक नाहीत, हे स्पष्ट करावे लागेल.
हेही वाचा – Ladki Bahin Yojana: लाडक्या बहिणींसाठी आनंदाची बातमी! दिवाळीत खात्यात येणार थेट 3000 रुपये
उद्देश: या बदलामागील मुख्य उद्देश भारतीय नागरिकांनाच एपीवायचा लाभ मिळावा, हा आहे.
बचत खाते: अटल पेन्शन योजनेसाठी टपाल कार्यालयाच्या (Post Office) माध्यमातून बचत खाते उघडले जाईल.
टपाल विभागाने देशभरातील सर्व टपाल कार्यालयांना नवीन फॉर्ममध्येच अर्ज स्वीकारण्याचे निर्देश दिले आहेत, तसेच या बदलांची माहिती नोटिस बोर्डावर (Notice Board) आवश्यकपणे लावण्यास सांगितले आहे.
अटल पेन्शन योजना (APY) काय आहे?
अटल पेन्शन योजना ही भारत सरकारची एक सामाजिक सुरक्षा योजना (Social Security Scheme) आहे, जी विशेषतः असंघटित क्षेत्रातील (Unorganised Sector) कर्मचाऱ्यांना पेन्शनचा लाभ देण्यासाठी सुरू करण्यात आली आहे.
कोण घेऊ शकतो लाभ? ज्या कर्मचाऱ्यांसाठी कोणतीही पेन्शन योजना उपलब्ध नाही, असे व्यापारी, गिग वर्कर (Gig Worker) आणि असंघटित क्षेत्रातील नागरिक या योजनेत सामील होऊ शकतात.
वयोमर्यादा: 18 ते 40 वर्षांदरम्यानचा कोणताही भारतीय नागरिक या योजनेशी जोडला जाऊ शकतो.
पेन्शन: अर्जदार 60 वर्षांची वयोमर्यादा पूर्ण केल्यानंतर त्यांना जमा केलेल्या रकमेनुसार 1,000 ते 5,000 रुपयांदरम्यान पेन्शन दिली जाते.
