नवी दिल्ली: दूध आणि दुग्धजन्य पदार्थ क्षेत्रातील कंपनी अमूलने 1 मे 2025 पासून दुधाच्या किमतीत प्रति लिटर 2 रुपयांची वाढ केली आहे. वाढलेले दर देशभरात लागू केले जातील. कंपनीने सांगितले की, जून 2024 पासून दुधाच्या किमतीत कोणतीही वाढ झालेली नाही. गेल्या वर्षी, अमूलने ग्राहकांना दिलासा देण्यासाठी सुमारे पाच महिन्यांसाठी 1 लिटर आणि 2 लिटरच्या पॅकवर अनुक्रमे 50 मिली आणि 100 मिली अतिरिक्त दूध मोफत दिले होते. याशिवाय, जानेवारी 2025 मध्ये, अमूलने त्यांच्या 1 लिटर पॅकची किंमत 1 रुपयांनी कमी केली होती, ज्यामुळे ग्राहकांना दिलासा मिळाला होता.
दूध उत्पादकांच्या उत्पादन खर्चात वाढ –
कंपनीने म्हटले आहे की, दरवाढीचे मुख्य कारण 36 लाखांहून अधिक दूध उत्पादकांच्या उत्पादन खर्चात वाढ आहे. गेल्या एका वर्षात अमूलच्या सर्व सदस्य संघटनांनी शेतकऱ्यांना दुधाला चांगला भाव देण्यास सुरुवात केली आहे. अमूलने सांगितले की, ग्राहकांकडून गोळा केलेल्या रकमेपैकी सुमारे 80 टक्के रक्कम थेट दूध उत्पादकांना परत केली जाते. दुधाच्या विक्री किमतीतील वाढीचा उर्वरित भाग दूध उत्पादकांना परत केला जाईल आणि त्यांना दूध उत्पादन वाढवण्यासाठी प्रोत्साहन दिले जाईल.
हेही वाचा – Mary Kom Divorce: लग्नाच्या 18 वर्षांनंतर मेरी कोमचा घटस्फोट; अफेअरच्या अफवांचे केले खंडन
अमूल दूधाचे दर –
अमूल स्टँडर्ड दूध (500 मिली)
जुनी किंमत: 30 रुपये
नवीन किंमत: 31 रुपये
अमूल म्हशीचे दूध 500 मि.ली.
जुनी किंमत: 36
नवीन किंमत: 37
अमूल गोल्ड मिल्क (500मिली)
जुनी किंमत: 33
नवीन किंमत: 34
अमूल गोल्ड मिल्क (1 लिटर)
जुनी किंमत: 65
नवीन किंमत: 67
अमूल चहा स्पेशल दूध (500 मिली)
जुनी किंमत: 31
नवीन किंमत: 32
अमूल फ्रेश मिल्क (500 मिली)
जुनी किंमत: 27
नवीन किंमत: 28
अमूल फ्रेश दूध (1 लिटर)
जुनी किंमत: 53
नवीन किंमत: 55
हेही वाचा – पंतप्रधान नरेंद्र मोदी आज मुंबईत, WAVES 2025चे उद्घाटन करणार; कशी असेल वेव्हज् परिषद?
दरम्यान, 2025 या आर्थिक वर्षात अमूलची उलाढाल 66000 कोटी रुपये आहे. याशिवाय, बुधवारी मदर डेअरीने देखील दुधाच्या किमतीत वाढ केली होती. उन्हाळी हंगामात वाढत्या दुधाच्या किमती लक्षात घेता कंपनीने दुधाच्या किमतीत प्रति लिटर 2 रुपयांपर्यंत वाढ केली.
