मुंबई: सध्या भारतात अनेक हेरगिरीचे प्रकरण समोर येत आहेत. सोशल मीडियाद्वारे पाकिस्तान इंटेलिजेंस ऑपरेटिव्ह्जला प्रतिबंधित क्षेत्रांची माहिती पुरविणाऱ्या 3 आरोपींना एटीएसने अटक केली आहे. प्राप्त माहितीनुसार, मुंबई एटीएसला गोपनीय माहिती मिळाली होती की काही लोक सोशल मीडियाद्वारे पाकिस्तान इंटेलिजेंस ऑपरेटिव्ह्ज (पीआयओ) ला प्रतिबंधित क्षेत्रे आणि संवेदनशील क्षेत्रांची माहिती देत आहेत.
पाकिस्तानला पाठवत होते गोपनीय माहिती –
एटीएसने मिळालेल्या माहितीच्या आधारे एका संशयिताची चौकशी केली. चौकशीदरम्यान, तपास यंत्रणांना कळले की हा संशयित नोव्हेंबर 2024 मध्ये सोशल मीडियाद्वारे पीआयओला भेटला होता. संशयित आरोपी 2024 ते मार्च 2025 पर्यंत व्हॉट्सअॅपद्वारे पीआयओला गोपनीय क्षेत्रांची माहिती देत होता.
हेही वाचा – पाकिस्तानात गेलेल्या सुनीता जामगडेला नागपुरात आणलं
आरोपींविरोधात गुन्हा दाखल –
दरम्यान, संशयित आरोपी आणि त्याच्या संपर्कात असलेल्या आणखी दोन लोकांना अटक करण्यात आली आहे. एटीएसने केलेल्या तपासाच्या आधारे, मुंबईला लागून असलेल्या ठाणे जिल्ह्यात गोपनीयता कायदा, 1923 च्या कलम 3(1)(ब), 5(अ) आणि भारतीय दंड संहिता, 2023 च्या कलम 61(2) अंतर्गत गुन्हा दाखल करण्यात आला आहे. सध्या एटीएस या प्रकरणाचा अधिक तपास करत आहे. दहशतवाद विरोधी पथक या प्रकरणात सहभागी असलेल्या इतर लोकांचा शोध घेत आहे.
हेही वाचा – हेरगिरीचे आरोप सिद्ध झाल्यास काय शिक्षा होऊ शकते? काय आहेत नियम? जाणून घ्या
तत्पूर्वी, कांगडा पोलिसांनी हेरगिरीच्या संशयावरून एका 20 वर्षीय तरुणाला अटक केली होती. कांगडा येथील सुखर येथील रहिवासी अभिषेक भारद्वाज याला बुधवारी त्याच्या घरातून ताब्यात घेण्यात आले. त्याला चौकशीसाठी देहरा पोलिस ठाण्यात आणण्यात आले. चौकशीदरम्यान, पोलिस अधिकाऱ्यांना अभिषेकच्या मोबाईल फोनवर संवेदनशील आणि आक्षेपार्ह साहित्य आढळले होते.
