Woman Rescue: सोलापूर जिल्ह्यात शनिवारी संध्याकाळी घडलेल्या एका नाट्यमय घटनेने स्थानिकांना धक्का बसला. दक्षिण सोलापूर तालुक्यातील वडकबाळ गावात सीना नदीच्या प्रचंड प्रवाहात पडलेल्या महिलेला दोन धाडसी तरुणांनी जीवावर उदार होऊन वाचवले. सुदैवाने या तातडीच्या कारवाईमुळे मोठी दुर्घटना टळली. सुमित्रा हिरकुर अशी ओळख पटलेली महिला नदीकाठी कपडे धुत असताना अचानक तोल जाऊन पाण्यात पडली. वेगवान प्रवाहामुळे ती काही अंतर वाहून गेली आणि एका काटेरी झुडपात अडकली. झुडपामुळे थोडावेळ तिला आधार मिळाला, पण पाण्याचा जोर वाढल्याने तिला श्वास घेणे आणि तरंगत राहणे कठीण झाले.
हेही वाचा – Latur Crime: लातूर शहरात चोरीच्या घटनांमुळे दहशत, चोरट्यांच्या टोळीचे पोलिसांना आव्हान
महिलेने घटनास्थळी उपस्थित असलेल्या लोकांनी तातडीने मदतीसाठी हाका मारल्या. या वेळी गावातील स्थानिक सुरक्षा दलाचे जवान अमोगसिद्ध पुजारी आणि औदुसिद्ध पुजारी घटनास्थळी धावले. त्यांनी कोणतीही पर्वा न करता नदीत उडी घेतली आणि जीवघेण्या प्रवाहात अडकलेल्या महिलेला पकडून सुरक्षित किनाऱ्यावर आणले. त्यांच्या या धाडसामुळे महिला सुखरूप बचावली.
महाराष्ट्र के सोलापुर में बड़ा हादसा टला!
सीना नदी में बह रही महिला को ग्राम सुरक्षा बल के बहादुर युवकों ने बचाया वडकबल में महिला कपड़े धोते वक्त बहाव में फंसी अमोगसिद्ध पुजारी और औदुसिद्ध पुजारी ने जान जोखिम में डालकर बचाया
वीडियो वायरल #Solapur #HeroicRescue #Maharashtra pic.twitter.com/g7iSeOYR2w — Visshal Singh (@VishooSingh) September 21, 2025
गावकऱ्यांनी या बचाव मोहिमेचे जोरदार कौतुक केले असून, या तरुणांना खरे हिरो म्हटले जात आहे. घटनेचा व्हिडिओ आता सोशल मीडियावर व्हायरल झाला आहे. पाहणाऱ्यांना त्यांच्या धैर्याची आणि तातडीच्या निर्णयक्षमतेची दाद द्यावी लागत आहे. या प्रसंगाने पुन्हा एकदा सिद्ध केले की संकटाच्या क्षणी धाडसी पाऊल उचलणारे सामान्य लोकच खरे नायक ठरतात. गावकऱ्यांच्या जलद प्रतिसादामुळे आणि जवानांच्या तत्परतेमुळे सुमित्रा हिरकुर यांचा जीव वाचला, अन्यथा मोठी दुर्घटना घडली असती.
