मुंबई: राज्यात पुन्हा एकदा मान्सून सक्रिय झाल्याचं दिसून येत आहे. नैऋत्य मान्सूनमुळे दक्षिण आणि मध्य भारतातील राज्यांमध्ये मुसळधार पाऊस पडत आहे. यंदा मान्सून वेळेच्या आधी आला. महाराष्ट्रात मे महिन्यातचं मान्सून दाखल झाला होता. परंतु, त्यानंतर राज्यात मान्सूचा वेग मंदावला होता. आता पुन्हा मान्सून पुढे सरकण्यासाठी परिस्थिती अनुकूल बनली आहे. यामुळे महाराष्ट्र आणि दक्षिण भारतीय राज्यांमध्ये मुसळधार पाऊस पडत आहे. दरम्यान, आयएमडीने अलर्ट जारी केला आहे.
पुण्यात ऑरेंज अलर्ट जारी-
हवामान खात्याने पुण्यासाठी ऑरेंज अलर्ट तर कोकणसाठी रेड अलर्ट जारी केला आहे. पुढील 24 तासांत पुणे जिल्ह्यात मुसळधार पाऊस पडण्याची शक्यता आहे. अशा परिस्थितीत, लोकांना सतर्क राहण्यास आणि पावसामुळे निर्माण होणाऱ्या समस्यांना तोंड देण्यासाठी सज्ज राहण्यास सांगण्यात आले आहे. तथापि, महाराष्ट्राच्या किनारी भागात आणि पश्चिम भागात मुसळधार पाऊस पडण्याची शक्यता आहे.
हेही वाचा – मुंबईत मुसळधार पाऊस बरसणार! हवामान विभागाकडून 'यलो अलर्ट' आणि भरतीचा इशारा जारी
किनारी भागांसाठी रेड अलर्ट जारी –
दरम्यान, महाराष्ट्राच्या किनारी भागांसाठी रेड अलर्ट जारी करण्यात आला आहे. परंतु 17 जूनपर्यंत या भागात पावसाचे प्रमाण कमी असेल. अशा परिस्थितीत रेड अलर्टऐवजी ऑरेंज अलर्ट जारी केला जाईल.
'या' जिल्ह्यांत मुसळधार पाऊस –
हवामान विभागाने वर्तवलेल्या अंदाजानुसार, मुंबई, पुणे, पालघर, सातारा आणि कोल्हापूरसाठी ऑरेंज अलर्ट जारी करण्यात आला आहे. पुढील 24 तासांत या ठिकाणी मुसळधार पावसाचा इशारा देण्यात आला आहे. दरम्यान, मध्य आणि उत्तर महाराष्ट्रात, जिथे मध्यम पावसाचा अंदाज आहे, तेथे पिवळा इशारा कायम राहील. तथापि, कोकण किनाऱ्यावर राहणाऱ्या मच्छिमारांना जोरदार वारे आणि वादळी पाण्यामुळे समुद्रात न जाण्याचा सल्ला देण्यात आला आहे.
