बेंगळुरू: भारतीय कृषी संशोधन परिषदेचे (ICAR) माजी महासंचालक आणि पद्मश्री पुरस्कार विजेते सुब्बन्ना अय्यप्पन यांचा मृत्यू झाला. श्रीरंगपट्टणजवळील कावेरी नदीत त्यांचा मृतदेह तरंगताना आढळला. पोलिसांनी सांगितले की ते अनेकदा श्रीरंगपट्टणातील कावेरी नदीच्या काठावरील साई बाबा आश्रमात ध्यान करत असतं. पोलिसांनी दिलेल्या माहितीनुसार, त्याची दुचाकी नदीकाठी आढळली. त्यांनी नदीत उडी मारली असावी असा संशय व्यक्त करण्यात येत आहे. तथापि, पोलिसांनी त्याच्या मृत्यूचे कारण तपासानंतरच कळू शकेल, असं सांगितलं.
डॉ. सुब्बन्ना अय्यप्पन 7 मे पासून बेपत्ता होते. ते नेहमीप्रमाणे घराबाहेर पडले होते, पण परतले नाहीत. पोलिसांनी दिलेल्या माहितीनुसार, अय्यप्पनची स्कूटर नदीकाठी सोडून दिलेली आढळली. हे प्रकरण हाताळणाऱ्या श्रीरंगपट्टण पोलिसांनी सांगितले की, त्याच्या कुटुंबाने म्हैसूरमधील विद्यारण्यपुरम पोलिस ठाण्यात बेपत्ता अय्यप्पन यांची तक्रार दाखल केली होती.
70 वर्षीय अय्यप्पन हे कृषी आणि मत्स्यपालन (जलसंवर्धन) शास्त्रज्ञ होते. अय्यप्पन हे म्हैसूरमधील विश्वेश्वरय्या नगर औद्योगिक क्षेत्रातील वास्तव्यास होते. भारताच्या 'ब्लू रेव्होल्यूशन'मध्ये महत्त्वाची भूमिका बजावणाऱ्या अय्यप्पन यांच्या कुटुंबात पत्नी आणि दोन मुली आहेत.
हेही वाचा – 'सिंदूर पुसणाऱ्यांचा बदला घेतला'; युद्धबंदीनंतर राजनाथ सिंह यांची प्रतिक्रिया
दरम्यान, कृषी आणि मत्स्यव्यवसाय शास्त्रज्ञ अय्यप्पन यांनी भारतातील अनेक शहरांमध्ये काम केले आहे. यामध्ये दिल्ली, मुंबई, भोपाळ, भुवनेश्वर आणि बेंगळुरू सारखी शहरे समाविष्ट आहेत. अय्यप्पन हे पहिले व्यक्ती होते जे कृषी शास्त्रज्ञ नव्हते, पण तरीही त्यांनी या संघटनेचे नेतृत्व केले.
हेही वाचा – 'संसदेचं विशेष अधिवेशन बोलवा'; काँग्रेस अध्यक्ष मल्लिकार्जुन खरगेंची मागणी
2022 मध्ये पद्मश्रीने पुरस्काराने सन्मानित –
अय्यप्पन यांना 2022 मध्ये पद्मश्री पुरस्काराने सन्मानित करण्यात आले. ते इंफाळ येथील केंद्रीय कृषी विद्यापीठाचे कुलगुरू देखील होते. त्यांनी 2016 पर्यंत आयसीएआरमध्ये काम केले. या काळात, 2013 मध्ये त्यांना राज्योत्सव पुरस्कारानेही सन्मानित करण्यात आले होते. याशिवाय, अय्यप्पन यांनी भुवनेश्वरमधील सेंट्रल इन्स्टिट्यूट ऑफ फ्रेशवॉटर एक्वाकल्चर (CIFA) चे संचालक आणि मुंबईतील सेंट्रल इन्स्टिट्यूट ऑफ फिशरीज एज्युकेशन (CIFE) चे संचालक म्हणून काम केले आहे.
