ठाणे: ठाणे जिल्ह्यातून अत्यंत धक्कादायक बातमी समोर येत आहे. ठाण्यातील एका 16 वर्षीय मुलीचे अपहरण करून तिला अकोला येथे घेऊन जाताना ट्रेनमध्ये तिच्यावर बलात्कार करण्यात आल्याची खळबळजनक घटना उघडकीस आली आहे. या प्रकरणी पोलिसांनी आरोपीविरोधात गुन्हा दाखल केला आहे. पीडिता मुंबईतील डोंबिवली परिसरातील मानपाडा येथील आडिवली येथील रहिवासी आहे.
कल्याण सरकारी रेल्वे पोलिस (जीआरपी) चे वरिष्ठ पोलिस निरीक्षक पंढरी कांदे यांनी सोमवारी सांगितले की, 20 वर्षीय आरोपीने 30 जून रोजी मुलीला ट्रेनने अकोल्याला नेले आणि वाटेत तिच्यावर बलात्कार केला. अकोला येथे राहणाऱ्या आरोपीच्या पालकांनी त्याला आणि मुलीला घरात घेतले नाही. त्यानंतर आरोपी पीडितेला अकोला रेल्वे स्टेशनवर सोडून घरी परतला.
हेही वाचा – बालसुधारगृहातील मुलींच्या पलायन प्रकरणी राष्ट्रीय महिला आयोगाकडून सुमोटो दाखल
दरम्यान, अकोला सरकारी रेल्वे पोलिस जीआरपी कर्मचाऱ्यांनी मुलीला स्टेशनवर पाहिले आणि तिची चौकशी केली. त्यानंतर पीडितेने पोलिसांना आपल्यासोबत घडलेल्या प्रकाराबद्दल सांगितले. वृत्तानुसार, अकोला येथील जीआरपीने 'शून्य' एफआयआर नोंदवला आणि प्रकरण मुंबईतील त्यांच्या समकक्षांकडे वर्ग केले.
हेही वाचा – धक्कादायक! 2 महिन्यांत मराठवाडा आणि विदर्भात 479 शेतकऱ्यांची आत्महत्या
कल्याण जीआरपीने रविवारी आरोपीविरुद्ध भारतीय दंड संहितेच्या कलम 64 (बलात्कार), 74 (महिलेचा विनयभंग करण्याच्या उद्देशाने तिच्यावर हल्ला किंवा गुन्हेगारी बळजबरी) आणि 137 (अपहरण) आणि लैंगिक गुन्ह्यांपासून मुलांचे संरक्षण (पॉक्सो) कायद्याच्या कलमांखाली एफआयआर नोंदवला आहे. पोलिस आरोपीचा शोध घेत आहेत.
