ऑस्करमध्ये ‘One Battle After Another’ चा डंका! 6 पुरस्कारांसह रचला इतिहास; पाहा विजेत्यांची संपूर्ण यादी

Oscars 2026 Winners: 98 व्या ॲकॅडमी पुरस्कार सोहळ्यात (Oscars 2026) यंदा जबरदस्त चुरस पाहायला मिळाली. पॉल थॉमस अँडरसन यांच्या 'One Battle After Another' या चित्रपटाने तब्बल 13 नामांकनांपैकी 6 महत्त्वाचे पुरस्कार जिंकून इतिहास रचला आहे. विशेष म्हणजे या चित्रपटाने या वर्षातील 'सर्वोत्कृष्ट चित्रपट' हा मानाचा किताबही आपल्या नावे केला. दुसरीकडे, रायन कूगलर यांच्या 'Sinners' या चित्रपटाला सर्वाधिक 16 नामांकने मिळाली होती, मात्र अखेरीस या चित्रपटाला 4 पुरस्कारांवर समाधान मानावे लागले.

मायकल बी. जॉर्डन आणि जेसी बकली ठरले अभिनयाचे सम्राट
या वर्षीच्या पुरस्कार सोहळ्यात अभिनयाच्या श्रेणीत अपेक्षेप्रमाणे निकाल पाहायला मिळाले. मायकल बी. जॉर्डन याने 'Sinners' चित्रपटातील आपल्या ताकदीच्या अभिनयासाठी 'सर्वोत्कृष्ट अभिनेता' (मुख्य भूमिका) हा पुरस्कार पटकावला. तर, 'Hamnet' चित्रपटातील भूमिकेसाठी जेसी बकली हिला 'सर्वोत्कृष्ट अभिनेत्री' म्हणून गौरविण्यात आले. या दोघांच्या विजयाने यंदाचे वर्ष जॉर्डन आणि जेसीचे असल्याचे सिद्ध झाले आहे.

तांत्रिक आणि इतर श्रेणींमधील विजेत्यांची मोहोर
दिग्दर्शनाच्या क्षेत्रातही 'One Battle After Another' चा दबदबा राहिला असून पॉल थॉमस अँडरसन यांनी 'सर्वोत्कृष्ट दिग्दर्शक' आणि 'सर्वोत्कृष्ट रूपांतरित पटकथा' या दोन्ही श्रेणींत बाजी मारली. 'Frankenstein' चित्रपटाने वेशभूषा, मेकअप आणि निर्मिती रचना अशा तांत्रिक विभागांत आपले वर्चस्व गाजवले. तसेच, 'Avatar: Fire and Ash' ने 'सर्वोत्कृष्ट दृश्य परिणाम' (Visual Effects) साठीचा पुरस्कार जिंकून प्रेक्षकांच्या अपेक्षा पूर्ण केल्या.

हेही वाचा – Priyanka Chopra in Oscars 2026 : देसी गर्ल प्रियांका चोप्रा 98 व्या ऑस्कर पुरस्कार सोहळ्याला उपस्थित; रेड कार्पेटवर तिसऱ्यांदा लावली हजेरी

ऑस्कर 2026 विजेत्यांची संपूर्ण यादी
सर्वोत्कृष्ट चित्रपट: वन बॅटल आफ्टर अनदर
सर्वोत्कृष्ट अभिनेता (मुख्य भूमिका): मायकल बी. जॉर्डन (चित्रपट: सिनर्स)
सर्वोत्कृष्ट अभिनेत्री (मुख्य भूमिका): जेसी बकली (चित्रपट: हॅम्नेट)
सर्वोत्कृष्ट दिग्दर्शक: पॉल थॉमस अँडरसन (चित्रपट: वन बॅटल आफ्टर अनदर)
सर्वोत्कृष्ट सहाय्यक अभिनेता: शॉन पेन
सर्वोत्कृष्ट सहाय्यक अभिनेत्री: एमी मॅडिगन (चित्रपट: वेपन्स)
सर्वोत्कृष्ट मूळ पटकथा: सिनर्स (लेखक: रायन कूगलर)
सर्वोत्कृष्ट रूपांतरित पटकथा: वन बॅटल आफ्टर अनदर (लेखक: पॉल थॉमस अँडरसन)
सर्वोत्कृष्ट ॲनिमेटेड चित्रपट: के-पॉप डेमन हंटर
सर्वोत्कृष्ट आंतरराष्ट्रीय चित्रपट: सेंटिमेंटल व्हॅल्यू
सर्वोत्कृष्ट दृश्य परिणाम: अवतार: फायर अँड ॲश
सर्वोत्कृष्ट मूळ गीत: गोल्डन