नवी दिल्ली: बॉलिवूड अभिनेत्री जॅकलिन फर्नांडिसला दिल्ली उच्च न्यायालयाकडून मोठा धक्का बसला आहे. 200 कोटी रुपयांच्या मनी लाँड्रिंग प्रकरणात जॅकलिनला उच्च न्यायालयाकडून दिलासा देण्यात आलेला नाही. जॅकलिनने ईडीने दाखल केलेल्या एफआयआर आणि त्यावरील दखल घेण्याबाबत कनिष्ठ न्यायालयाच्या आदेशाला आव्हान दिले होते. उच्च न्यायालयात याचिका देताना जॅकलिनने तिच्यावरील सर्व आरोप खोटे असल्याचे म्हटले होते आणि फसवणूक करणारा सुकेश चंद्रशेखरसोबतच्या लिव्ह-इन रिलेशनशिपचा मुद्दाही फेटाळून लावला होता. जॅकलिनने याचिका दाखल करून तिच्यावर लावण्यात आलेले सर्व आरोप खोटे असल्याचे म्हटले आहे.
काय आहे संपूर्ण प्रकरण?
2021 मध्ये तिहार तुरुंगात असलेल्या कथित फसवणूक करणाऱ्या सुकेश चंद्रशेखरविरुद्ध मनी लाँड्रिंगचा खटला दाखल झाल्यानंतर हे प्रकरण उघडकीस आले. जून 2020 ते मे 2021 दरम्यान रॅनबॅक्सीचे माजी प्रवर्तक शिविंदर सिंग आणि मालविंदर सिंग यांच्या पत्नीने 200 कोटी रुपयांची फसवणूक केल्याचा आरोप सुकेशवर केला होता. त्याने या पैशाचा वापर अनेक सेलिब्रिटींना महागड्या भेटवस्तू देण्यासाठी केला होता, ज्यामध्ये जॅकलिन फर्नांडिसचे नाव प्रमुखपणे समोर आले.
हेही वाचा – भारतात पुन्हा एकदा पाकिस्तानी स्टार्सच्या सोशल मीडिया अकाउंटवर बंदी
या गुन्ह्यात सुकेशवर शिविंदर मोहन सिंग यांच्या पत्नी अदिती सिंग यांच्याकडून फसवणूक आणि पैसे उकळल्याचा आरोप आहे. त्यांनी केंद्रीय कायदा सचिव असल्याचे भासवून तुरुंगात असलेल्या तिच्या पतीला जामीन मिळवून देण्याची ऑफर दिली होती. ED आणि EOW वेगवेगळ्या प्रकारे कथित फसवणुकीचा तपास करत आहेत. ED ने या प्रकरणात फर्नांडिसला सह-आरोपी बनवले होते.
हेही वाचा – शेफाली जरीवालाच्या मृत्यूबाबत सस्पेन्स वाढला; आता 'या' रिपोर्टमधून उलगडणार मृत्यूचे रहस्य
दरम्यान, जॅकलिनने तिच्या याचिकेत दावा केला आहे की ती सुकेश चंद्रशेखरच्या 'फसवणुकीची बळी' आहे आणि तिला त्याच्या गुन्हेगारी रेकॉर्डबद्दल काहीच माहिती नाही. तिने म्हटले आहे की ईडीकडे तिच्याविरुद्ध कोणतेही ठोस पुरावे नाहीत आणि तिच्यावर लावण्यात आलेले आरोप 'निराधार गृहीतकांवर' आधारित आहेत. जॅकलिनने असाही युक्तिवाद केला की, तिला दिल्ली पोलिसांच्या तपासात 'प्रॉसिक्युशन साक्षीदार' म्हणून हजर करण्यात आले होते, ज्याच्या आधारे तिला या प्रकरणात दिलासा मिळाला पाहिजे.
