धुळे: राज्यात पुन्हा एकदा मराठी अस्मितेचा वाद चिघळला आहे. स्टेट बँक ऑफ इंडियाच्या शाखेत मराठी भाषेवरून मोठा गोंधळ झाला. धुळे जिल्ह्यातील देवपूर शाखेत बँक अधिकाऱ्यावर मराठी भाषेचा आणि एका महिला शिक्षिकेचा अपमान केल्याचा आरोप आहे. हे प्रकरण इतके वाढले की शिवसेना यूबीटी कार्यकर्त्यांनी बँकेत पोहोचून एका अधिकाऱ्याला मारहाण केली. दोन्ही पक्षांविरुद्ध पोलिसात गुन्हा दाखल करण्यात आला आहे. त्याचबरोबर बँक व्यवस्थापकाने तुम्ही मराठी लोक असेच आहात असे वादग्रस्त विधान केल्याचा आरोप आहे. 4 जून रोजी संध्याकाळची ही घटना आहे.
प्राप्त माहितीनुसार, सोने कर्जाचा हप्ता भरण्यासाठी एक महिला शिक्षिका देवपूर एसबीआय शाखेत पोहोचली. बँक व्यवस्थापक अतुल राजेंद्र कुमार गांधी यांनी तिच्याशी मराठीत बोलण्यास नकार दिला. मला मराठी येत नाही, हिंदीत बोला असं अतुल कुमार यांनी म्हटलं. शिक्षिकेचा आरोप आहे की अधिकाऱ्याने तिला गुजरातीमध्ये शिवीगाळ केली आणि मराठी भाषेचा अपमान केला.
दरम्यान, या घटनेमुळे दुखावलेल्या शिक्षकाने शिवसेनेच्या नेत्यांशी संपर्क साधला. सोमवारी स्थानिक नेते धीरज पाटील यांच्या नेतृत्वाखाली शिवसैनिक बँकेत पोहोचले. तोपर्यंत मुख्य आरोपी व्यवस्थापक अतुल गांधी तेथून पळून गेला होता. संतप्त शिवसैनिकांनी उपस्थित अधिकारी सदाशिव आजगे यांच्याकडून स्पष्टीकरण मागितले आणि यादरम्यान शिवसेनेच्या एका पदाधिकाऱ्याने त्यांना मारहाण केली. ही संपूर्ण घटना कॅमेऱ्यात कैद झाली आहे. सध्या या घटनेचा व्हिडिओ सोशल मीडियावर व्हायरल होत आहे.
हेही वाचा – लाडक्या बहिणींसाठी महत्त्वाची बातमी! कर भरणाऱ्या महिलांना योजनेतून वगळण्यात येणार
#shivsenaubt #UddhavThackeray pic.twitter.com/uzQvF9OMvJ — Khushbu Goyal (@kgoyal466) June 10, 2025
दोन्ही पक्षांविरुद्ध गुन्हा दाखल –
या प्रकरणी देवपूर पोलिस ठाण्यात दोन्ही पक्षांविरुद्ध एफआयआर दाखल करण्यात आला आहे. महिला शिक्षिकेच्या तक्रारीवरून 2 बँक अधिकाऱ्यांविरुद्ध गुन्हा दाखल करण्यात आला आहे, तर बँक अधिकाऱ्यांनी शिवसेनेच्या कार्यकर्त्यांवर हल्ला आणि धमकी दिल्याचा आरोप करत गुन्हा दाखल केला आहे. पोलिसांनी सांगितले आहे की सीसीटीव्ही फुटेजची तपासणी केली जात आहे आणि तपासाला प्राधान्य दिले जात आहे.
