चरखी दादरी अपघातानंतर अहमदाबादमधील विमान अपघात ठरला देशातील सर्वात मोठा विमान अपघात

Ahmedabad Plane Crash: गुरुवारी गुजरातमधील अहमदाबाद येथे एअर इंडियाच्या विमान AI171 च्या अपघाताने भारताच्या विमान वाहतूक इतिहासात मोठी भर घातली आहे. अहमदाबादहून लंडनला जाणारे बोईंग 787 ड्रीमलाइनर (VT-ANB) हे विमान उड्डाणानंतर काही मिनिटांतच मेघनानी नगर येथील निवासी भागात कोसळले. या विमानात 230 प्रवासी आणि 12 क्रू मेंबर्स होते, म्हणजेच एकूण 242 लोक होते.

चरखी दादरी विमान अपघात –  

प्राप्त माहितीनुसार, विमानाने धावपट्टी 23 वरून दुपारी 1:39 वाजता उड्डाण केले. हा अपघात पाच मिनिटांत झाला. 1996 च्या चरखी दादरी विमान अपघातानंतरचा हा सर्वात मोठा अपघात असल्याचे सांगण्यात येत आहे. 1996 मध्ये झालेल्या चरखी दादरी विमान अपघातात 349 प्रवाशांचा मृत्यू झाला होता. 

1996 मध्ये चरखी दादरी येथे 12 नोव्हेंबर रोजी दिल्लीच्या पश्चिमेला चरखी दादरी येथे मोठा विमान अपघात झाला होता. या घटनेत सौदी अरेबियन एअरलाइन्सचे फ्लाइट SV763 आणि कझाकस्तान एअरलाइन्सचे फ्लाइट KZ1907 यांच्यात हवेत टक्कर झाली होती. या अपघातात दोन्ही विमानांमधील एकूण 349 प्रवासी आणि क्रू मेंबर्सचा मृत्यू झाला होता. त्यापैकी 94 जणांची ओळख पटू शकलेली नाही. 

हेही वाचा – अहमदाबाद विमान अपघाताची चौकशी कोण करणार? काय आहेत नियम? जाणून घ्या

चरखी दादरी विमान अपघात कसा झाला ? 

चरखी दादरी विमान अपघात हा इतिहासातील सर्वात मोठ्या अपघातापैकी एक आहे. हा अपघात झाला तेव्हा सौदीचे फ्लाइट 14000 फूट उंचीवर चढत होते. तथापि,  कझाकस्तानचे फ्लाइट 15000 फूट उंचीवर उतरत होते. एटीसीने दोन्ही वेगवेगळ्या उंचीवर ठेवल्या होत्या, परंतु कझाकस्तानचे फ्लाइट निर्धारित उंचीपेक्षा खाली गेले आणि दोन्ही विमाने उच्च वेगाने टक्कर झाली.

हेही वाचा – मोठी बातमी! माजी मुख्यमंत्री विजय रुपाणी यांचे अहमदाबाद विमान अपघातात निधन

दरम्यान, चरखी दादरी अपघातानंतर, भारतासह अनेक देशांमध्ये ट्रॅफिक कोलिजन अव्हॉइडन्स सिस्टम (TCAS) अनिवार्य करण्यात आले. जर दुसरे विमान त्यांच्या हवाई क्षेत्रात प्रवेश करत असेल तर ही तंत्रज्ञान पायलटला सतर्क करते.