Bike Falls Into Drain at Belapur: बेलापूरमधील ध्रुवतारा जेट्टीवर शनिवारी पहाटे एका धक्कादायक अपघातात दोन जणांना घेऊन जाणारी मोटारसायकल नाल्यात कोसळली. सकाळी सुमारे 6.30 वाजता घडलेल्या या अपघातात एक दुचाकीस्वार अद्याप बेपत्ता आहे.
प्राप्त माहितीनुसार, अथर्व शेळके आणि श्रेयस (वय वर्ष 20) जेट्टीच्या बाजूने दुचाकीवरून जात असताना अपघात झाला. दुचाकी उलटून ते पाण्यात पडले. रस्त्यावरून जाणाऱ्या नागरिक आणि स्थानिक बचावकर्त्यांनी त्यांना तातडीने प्रतिसाद दिला. त्यामध्ये एक जणाला सुरक्षित बाहेर काढण्यात यश आले, परंतु दुसरा जोरदार प्रवाहात वाहून गेला. अद्याप त्याचा शोध लागलेला नाही.
हेही वाचा – Ladki Bahin Yojana New Update : 'लाडकी बहीण' योजनेअंतर्गत महिलांना मिळणार शून्य व्याजदराने कर्ज
दरम्यान, पोलिसांनी घटनास्थळी दाखल होऊन स्थानिक गोताखोर, मच्छीमार आणि बचाव पथकांच्या मदतीने शोधमोहीम सुरू केली आहे. अद्याप बेपत्ता दुचाकीस्वाराचा शोध सुरू असून, अधिक माहिती मिळण्याची प्रतीक्षा आहे. या अपघातामुळे बेलापूर भागातील नागरिक आणि स्थानिक प्रशासनात चिंता पसरली आहे. पोलिसांनी नागरिकांना बचाव मोहीमेस मदत करण्यासाठी आणि अपघात झालेल्या भागात सावधगिरी बाळगण्याचे आवाहन केले आहे. सध्या परिस्थिती नियंत्रणाखाली आहे, परंतु बेपत्ता दुचाकीस्वाराचा शोध सुरू असून स्थानिक प्रशासन आणि बचाव पथक पूर्ण प्रयत्न करत आहेत.
