India Middle East flights : मिडिल ईस्टमध्ये अमेरिका, इस्रायल आणि इराण यांच्यात सुरू असलेल्या तीव्र लष्करी संघर्षामुळे विमान वाहतूक विस्कळीत झाली आहे. या पार्श्वभूमीवर, तिथे अडकलेल्या भारतीय प्रवाशांना सुरक्षितपणे मायदेशी आणण्यासाठी आणि वाहतूक सुरळीत ठेवण्यासाठी ‘एअर इंडिया’ आणि ‘इंडिगो’ या कंपन्यांनी विशेष विमानांची घोषणा केली आहे. बुधवार, 11 मार्च 2026 रोजी या विशेष फेऱ्यांचे संचलन करण्यात येणार आहे.
एअर इंडिया आणि इंडिगोचे ऑपरेशनल प्लॅन
मिडल ईस्ट मधील बिघडलेली परिस्थिती पाहता, एअर इंडिया ग्रुप पश्चिम आशियातून एकूण 58 विमान फेऱ्यांचे संचलन करणार आहे. यामध्ये एअर इंडिया आणि एअर इंडिया एक्सप्रेस मिळून संयुक्त अरब अमिराती (UAE) साठी 36 अतिरिक्त (बिगर-शेड्यूल्ड) फेऱ्या चालवणार आहेत. दुसरीकडे, इंडिगोने देखील बुधवारपासून मिडल ईस्ट मधील 8 विविध शहरांसाठी आणि युरोपमधील काही निवडक मार्गांवर विशेष उड्डाणे सुरू करण्याची घोषणा केली आहे. 9 मार्च 2026 रोजी भारतीय कंपन्यांनी तिथून 45 विमानांद्वारे 7,047 प्रवाशांना सुखरूप भारतात आणले आहे.
#ImportantUpdate Air India and Air India Express will together operate a total of 58 scheduled and non-scheduled flights to and from the West Asia region on 11 March 2026. View the full list here: https://t.co/lIXfE9u6je — Air India (@airindia) March 10, 2026
महत्त्वाचे मार्ग आणि शहरांची यादी
नागरी विमान वाहतूक मंत्रालयाच्या समन्वयाने ही उड्डाणे निश्चित करण्यात आली आहेत. यामध्ये खालील प्रमुख मार्गांचा समावेश आहे:
जेद्दा: एअर इंडिया दिल्ली आणि मुंबईतून, तर एअर इंडिया एक्सप्रेस हैदराबाद आणि कोझिकोडमधून प्रत्येकी एक राउंड-ट्रिप चालवेल.
मस्कत: एअर इंडिया एक्सप्रेस दिल्ली, मुंबई, कन्नूर, तिरुवनंतपुरम आणि तिरुचिरापल्ली येथून प्रत्येकी एक आणि कोच्चि येथून दोन राउंड-ट्रिप फेऱ्या पूर्ण करेल.
इतर शहरे: दुबई, अबू धाबी, शारजाह, रस-अल-खैमाह, अल-अलन, फुजैरा आणि मदीना या शहरांसाठी देखील अतिरिक्त स्लॉटची व्यवस्था करण्यात आली आहे.
Travel Advisory IndiGo is working closely with the relevant authorities to gradually rebuild its flight network in Middle East, enabling customers to reunite with their loved ones and continue their journeys. On 11 March 2026, IndiGo will operate flights to 8 destinations… pic.twitter.com/3MooQwIzbc — IndiGo (@IndiGo6E) March 10, 2026
हेही वाचा – War Effect on India : आखाती युद्धामुळे विमान प्रवास महागला! एअर इंडियाचे तिकीट दर वाढले, अधिभार लागू
नागरी विमान वाहतूक मंत्रालयाची भूमिका
विमान वाहतूक मंत्रालयाने स्पष्ट केले आहे की, प्रवाशांची सुरक्षा आणि सेवांचे सातत्य राखणे ही त्यांची सर्वोच्च प्राथमिकता आहे. परिस्थितीवर बारीक लक्ष ठेवले जात असून गरजेनुसार पर्यायी विमानतळांचा वापर करण्याची परवानगी देण्यात आली आहे. DGCA ने दुबई आणि शारजाह सारख्या व्यस्त विमानतळांना पर्याय म्हणून मस्कट आंतरराष्ट्रीय विमानतळाचा वापर करण्यास संमती दिली आहे. स्थानिक आणि भारतीय नियामक प्राधिकरणांकडून आवश्यक परवानग्या मिळाल्यानंतरच ही ‘एक्स्ट्रा’ उड्डाणे टेक-ऑफ करत आहेत.
प्रवाशांसाठी मार्गदर्शक सूचना
युद्धजन्य परिस्थितीमुळे विमान कंपन्यांनी आपल्या वेळापत्रकात लवचिकता ठेवली आहे. प्रवाशांना विनंती करण्यात आली आहे की, त्यांनी विमानतळावर निघण्यापूर्वी आपल्या फ्लाईटचे स्टेटस तपासावे. एअर इंडिया आणि इंडिगोने आपल्या हेल्पलाईन नंबर्सवर संपर्क साधण्याचे आवाहन केले आहे. परिस्थिती आणखी बिघडल्यास अतिरिक्त ‘इव्हॅक्युएशन’ (निकासी) फ्लाईट्स देखील चालवण्याची तयारी मंत्रालयाने दर्शवली आहे. ही विशेष सेवा केवळ अडकलेल्या भारतीयांना दिलासा देण्यासाठी सुरू करण्यात आली आहे.
