बारामती, १८ मार्च २०२४, प्रतिनिधी : लोकसभा निवडणुकीसाठी सुप्रिया सुळे यांचा प्रचार करण्याकरिता पहिल्यांदाच पवार कुटुंबातील अनेक सदस्य मैदानात उतरले आहेत. अजित पवारांचे सख्खे बंधू श्रीनिवास पवार , त्यांच्या पत्नी शर्मिला श्रीनिवास पवार , त्यांचा मुलगा युगेंद्र पवार, आमदार रोहित पवार, त्यांचे वडील राजेंद्र पवार, राजेंद्र पवारांच्या पत्नी सुनंदा पवार, त्यांची मुलगी सई पवार, शरद पवार ही सर्व मंडळी सुप्रिया सुळे यांचा प्रचार करत आहेत. सुप्रिया सुळे या उमेदवार म्हणून स्वतःचा प्रचार करत आहेत. शरद पवार, सुप्रिया सुळे, रोहित पवार वगळता पवार कुटुंबातील इतर सदस्यांचा भर सुप्रिया यांच्यासाठी प्रचाराचे रील्स करण्यावर आहे.
