ब्लॅक टी आणि ब्लॅक कॉफी पिल्याने ‘इतक्या’ टक्क्यांनी कमी होतो मृत्यूचा धोका! अहवात मोठा खुलासा

चहाप्रेमींसाठी अत्यंत महत्त्वाची बातमी आहे. अनेकजण सकाळी उठल्यानंतर ब्लॅक टी पितात. तुम्हीही ब्लॅक कॉफी किंवा ब्लॅक टी पीत असाल तर तुमच्यासाठी एक आनंदाची बातमी आहे. कॉफी पिल्याने मृत्यूचा धोका अनेक पटींनी कमी होतो, असा खुलासा एका रिपोर्टमध्ये करण्यात आला आहे. या अहवालानुसार, दररोज 1-2 कप ब्लॅक कॉफी पिल्याने मृत्यूचा धोका 14 टक्क्यांनी कमी होतो. दुसरीकडे, जर तुम्ही दररोज 2-3 कप ब्लॅक टी प्यायलात तर कोणत्याही प्रकारच्या अकाली मृत्यूचा धोका 17 टक्क्यांनी कमी होतो. जर तुम्ही दूध आणि साखर घालून कॉफी किंवा चहा प्यायलात तर तुम्हाला त्याचा फारसा फायदा होणार नाही. 

ब्लॅक कॉफी पिल्याने मिळतात अनेक फायदे – 

या संशोधनात असे आढळून आले की, जास्त साखर घालल्याने किंवा सॅच्युरेटेड फॅट असलेली कॉफी पिल्याने असे परिणाम मिळत नाहीत. हे संशोधन द जर्नल ऑफ न्यूट्रिशनमध्ये प्रकाशित झाले आहे. अमेरिकेतील टफ्ट्स युनिव्हर्सिटीमधील वरिष्ठ लेखक आणि संशोधक फांग फांग झांग यांनी म्हटले आहे की, कॉफीचे हे फायदे त्याच्या बायोएक्टिव्ह संयुगांमुळे आहेत. परंतु निकालांवरून असे दिसून येते की कॉफीमध्ये साखर घालल्याने किंवा फॅट वापरल्याने त्याचे फायदे कमी होऊ शकतात.

हेही वाचा – Palm Fruit Benefit: उन्हाळ्यात थंडावे देणार फळ नक्की ट्राय करा, काय आहेत फायदे जाणून घ्या

ब्लॅक कॉफी पिल्याने कमी होतो मृत्यूचा धोका  – 

दरम्यान, संशोधकांनी 1999 ते 2018 पर्यंत अमेरिकेच्या राष्ट्रीय आरोग्य आणि पोषण परीक्षा सर्वेक्षण (NHANES) च्या नऊ वेगवेगळ्या सलग चक्रांचे विश्लेषण केले आहे, जे राष्ट्रीय मृत्यू डेटाशी जोडलेले होते. त्यांनी 20 वर्षे आणि त्याहून अधिक वयाच्या 46 हजार हून अधिक तरुणांच्या प्रतिक्रिया पाहिल्या. या संशोधनात, वेगवेगळ्या प्रकारे कॉफी वापरण्याचे फायदे जाणून घेण्याचा प्रयत्न केला गेला. ज्यामध्ये कॉफीचा प्रकार, कॅफिनेटेड किंवा डिकॅफिनेटेड, साखर आणि संतृप्त चरबीचे निकाल अभ्यासले गेले. त्यात कर्करोग, हृदयरोग किंवा इतर कारणांमुळे मृत्युमुखी पडलेल्या लोकांचा समावेश होता.

हेही वाचा – Walnut Benefits: अक्रोड खाण्याचे आरोग्यदायी फायदे

ब्लॅक टी पिल्याने अकाली मृत्यूचा धोका कमी होतो – 

याशिवाय, या संशोधनात असं म्हटले आहे की, जे लोक कमी प्रमाणात साखर आणि संतृप्त चरबी असलेली ब्लॅक कॉफी आणि कॉफी पितात त्यांना कॉफी न पिणाऱ्या लोकांपेक्षा सर्व कारणांमुळे मृत्यूचा धोका 14% कमी असतो. तसेच जर तुम्ही 2-3 कप ब्लॅक टी प्यायलात तर कोणत्याही कारणास्तव मृत्यूचा धोका 17 टक्क्यांनी कमी होऊ शकतो. 

Disclaimer: ही माहिती केवळ सामान्य ज्ञानासाठी प्रदान केली आहे. जय महाराष्ट्र या माहितीची कोणतीही हमी देत नाही. आरोग्यविषयक कोणताही निर्णय घेण्यापूर्वी तज्ज्ञ किंवा डॉक्टरांचा सल्ला घ्या.