Pakistan Attack Kabul: अफगाणिस्तानमधून मोठी बातमी समोर येत आहे. अफगाणिस्तानची राजधानी काबूलमध्ये पाकिस्तानी हवाई हल्ल्यात तालिबान नेता नूर वली मेहसूदचा मृत्यू झाला आहे. नूर वली हा तहरीक-ए-तालिबानचा प्रमुख होता. नूरचे नाव बऱ्याच काळापासून पाकिस्तानच्या हिटलिस्टवर होते. अमू टीव्हीच्या सूत्रांच्या हवाल्याने हे वृत्त समोर आले आहे. हल्ल्यापूर्वी पाकिस्तानने अमेरिकेची परवानगी घेतली असल्याचे मानले जाते. अमेरिकेने नूरला आंतरराष्ट्रीय दहशतवादी घोषित केले होते आणि त्याच्यावर 5 दशलक्ष डॉलर्सचे बक्षीस जाहीर केले होते.
हेही वाचा – Qatar Airways: शाकाहारी जेवण न मिळाल्याने विमान प्रवाशाचा मृत्यू; कतार एअरवेजविरोधात 1.15 कोटींचा दावा
TTP आणि नूर वली मेहसूदची पार्श्वभूमी
दरम्यान, 2018 मध्ये मुल्ला फजलुल्लाहच्या हत्येनंतर नूर वली मेहसूदने TTP ची कमान हाती घेतली. त्याच्या नेतृत्वाखाली टीटीपीने पाकिस्तानमध्ये अनेक हल्ले केले. यावर्षी 700 हून अधिक हल्ले करण्यात आले. यात 270 हून अधिक सैनिक ठार झाले. नूरने नोबेल पुरस्कार विजेती मलाला युसुफझाईवर हल्ल्याचे आदेश दिले होते. तसेच, पाकिस्तानच्या माजी पंतप्रधान बेन्झीर भुट्टो यांच्या हत्येसंबंधी माहिती उघड करणारी तालिबानी कारवाई याच्याशी संबंधित होती.
हेही वाचा – मोठी बातमी ! पाकिस्तानचा अफगाणिस्तानवर हल्ला ; आधीच दिला होता इशारा पण…
हवाई हल्ला आणि आंतरराष्ट्रीय प्रतिसाद
पाकिस्तानच्या हवाई हल्ल्यात 12 जणांचा मृत्यू झाला. तालिबानने हा हल्ला सार्वभौमत्वाचे उल्लंघन म्हटले असून, पाकिस्तानला गंभीर परिणामांची चेतावणी दिली आहे. आता आंतरराष्ट्रीय स्तरावर तालिबानच्या प्रतिसादाकडे जगाचे लक्ष लागले आहे. तज्ञांच्या मते, काबूल हल्ल्यानंतर तालिबान पाकिस्तानविरुद्ध पूर्ण प्रमाणात युद्ध सुरू करण्याची शक्यता व्यक्त केली आहे.
