Russia Ukraine War: युक्रेनने रविवारी रशियाच्या पाच हवाई दलाच्या तळांवर हवाई हल्ले केले. या हल्ल्यात रशियाचे 40 हून अधिक अणु-सक्षम बॉम्बर विमाने नष्ट करण्यात आले. बेलाया एअरबेसवरील युक्रेनियन हल्ल्यामुळे आता युक्रेन आणि रशियामधील युद्ध अधिक तीव्र झाले आहे. अणु-सक्षम पाणबुड्या असलेल्या रशियाच्या मोठ्या नौदल तळावर हल्ला होण्याचे संकेत असल्याचे वृत्त आहे. या हल्ल्यांमुळे युक्रेनवर रशियाच्या अणु हल्ल्याचा धोका वाढला आहे.
दरम्यान, रविवारी दोन अमेरिकन सिनेटरनी अणुहल्ल्याचे संकेत वर्तवला. त्यांनी सोमवारी पॅरिसमध्ये फ्रान्सचे अध्यक्ष इमॅन्युएल मॅक्रॉन यांची भेट घेतली. या बैठकीतही येत्या काळात युक्रेनमध्ये भयंकर हल्ल्यांच्या शक्यतेवर एकमत झाले. पॅरिसमध्ये युक्रेनचे अध्यक्ष व्होलोडिमिर झेलेन्स्की यांची भेट घेतल्यानंतर, अमेरिकेच्या रिपब्लिकन पक्षाचे सिनेटर लिंडसे ग्राहम आणि डेमोक्रॅटिक पक्षाचे सिनेटर रिचर्ड ब्लूमेन्थल यांनी असोसिएटेड प्रेसशी झालेल्या संभाषणात भयंकर लढाईची शक्यता व्यक्त केली. दोन्ही सिनेटर म्हणाले की, राष्ट्राध्यक्ष मॅक्रॉन देखील त्यांच्या मताशी 100 टक्के सहमत आहेत.
हेही वाचा – युक्रेनचा रशियाच्या 2 हवाई तळावर ड्रोन हल्ला! 40 हून अधिक विमाने नष्ट केल्याचा दावा
तज्ज्ञांच्या मते, युद्धबंदीसाठी अमेरिकेकडून वाढत्या दबावादरम्यान, रशिया युक्रेनची जास्तीत जास्त जमीन ताब्यात घेण्याचा प्रयत्न करत आहे. कारण अधिक जमीन ताब्यात घेतल्याने रशियाला वाटाघाटीकरणे सोपे होईल. यासाठी, गेल्या तीन आठवड्यात त्यांनी युक्रेनवर सतत मोठे हल्ले केले आहेत. परंतु रविवारी युक्रेनने केलेल्या प्रत्युत्तरामुळे रशियाच्या रणनीतीला आणि त्याच्या भूमिकेला मोठा धक्का बसला आहे.
हेही वाचा – ट्रम्प समर्थित रूढीवादी नेते कॅरोल नॉवरॉकी यांचा पोलंडच्या अध्यक्षीय निवडणुकीत विजय
रशिया अण्वस्त्रे वापरू शकतो?
युक्रेनने रविवारी रशियावर केलेल्या हल्ल्याच्या यशामुळे युक्रेनचे मनोबलही वाढले आहे, त्यामुळे युद्ध तीव्र होण्याचा धोकाही वाढला आहे. जर युक्रेनने नजीकच्या भविष्यात पुन्हा असेच काही करण्याचे धाडस केले तर रशियाला हल्ल्यासाठी अण्वस्त्रांचा वापर करू शकेत, असे तज्ञांचे मत आहे. तथापि, सिनेटर ग्राहम लिंडसे यांनी सांगितले की, पुतिन मोठ्या युद्धाची तयारी करत आहेत. हा काळ केवळ रशियन राष्ट्राध्यक्ष पुतिनसाठी कठीण नाही तर जगासाठीही कठीण असू शकतो.
