Rohini Acharya on Family Feud: बिहारमधील विधानसभा निवडणुकीतील पराभवानंतर लालू यादव यांच्या कुटुंबातील तणाव चव्हाट्यावर आल्याचे स्पष्ट झाले आहे. या पार्श्वभूमीवर, लालू प्रसाद यादव यांच्या कन्या रोहिणी आचार्य यांनी रविवारी सांगितले की तिने फक्त तिच्या भावाला नाकारले आहे, तिच्या पालकांनी, विशेषतः तिच्या वडिलांनी नेहमीच तिला पाठिंबा दिला आहे आणि ते नेहमी तिच्या बाजूने उभे राहिले आहे. दिल्लीमध्ये पत्रकारांशी संवाद साधताना रोहिणी यांनी स्पष्ट केले की, कुटुंबातील इतर सदस्य आई आणि बहिणी देखील त्यांच्या सोबत आहेत.
व्यवसायाने डॉक्टर असलेल्या रोहिणी यांनी सांगितले की, त्या आता मुंबईला जात आहेत, जिथे त्यांचे सासरे राहतात. त्यांनी सांगितले की या संपूर्ण प्रकरणानंतर त्यांच्या सासूबाईंना त्यांची विशेष काळजी वाटत असल्याने त्यांनी त्यांना त्वरित बोलावले आहे. तथापी, रोहिणी यांनी आणखी एकदा ठामपणे सांगितले की, त्यांनी सोशल मीडियावर केलेली प्रत्येक टिप्पणी ही सत्य आहे.
भावावरील नाराजी, पण कुटुंबाचा आधार कायम
दरम्यान, रोहिणी यांनी थेट नाव घेत सांगितले की, 'जर कोणाला शंका असेल तर तेजस्वी, संजय यादव, राहेल यादव किंवा रमीज यांना जाऊन विचारा.' भावाशी दुराव्याचे कारण विचारले असता त्या म्हणाल्या, “ज्या घरात भाऊ असतात, तिथे त्यांनाच सर्व त्याग करावा लागतो असे नाही. मी फक्त माझा भाऊ सोडला आहे. माझे आई-वडील आणि बहिणी आजही माझ्यासोबत आहेत.” भावनिक होत त्या पुढे म्हणाल्या, 'काल माझे आई-वडील आणि बहिणी माझ्यासाठी रडल्या. मला त्यांच्यासारखे पालक लाभले हे माझे भाग्य आहे.'
