नवी दिल्ली: आंतरराष्ट्रीय वृत्तसंस्था रॉयटर्सचे एक्स अकाउंट भारतात बंद करण्यात आले आहे. सोशल मीडिया प्लॅटफॉर्मवर दाखवलेल्या नोटीसमध्ये असे म्हटले आहे की 'कायदेशीर मागणीमुळे' हे अकाउंट बंद करण्यात आले आहे. यानंतर भारत सरकारने लगेचच यावर स्पष्टीकरण दिले आहे. सरकारने स्पष्ट केले की त्यांनी भारतात रॉयटर्सचे एक्स अकाउंट बंदी घालण्यासाठी एक्सला कोणतीही कायदेशीर विनंती केलेली नाही. इलेक्ट्रॉनिक्स आणि माहिती तंत्रज्ञान मंत्रालयाच्या प्रवक्त्याने सांगितले की, 'भारत सरकारकडून रॉयटर्सचे अकाउंट ब्लॉक करण्याची आवश्यकता नाही. ही समस्या सोडवण्यासाठी आम्ही एक्ससोबत सतत काम करत आहोत.'
हेही वाचा – आता AI पकडणार बनावट सिम! दूरसंचार विभागाने लाँच केली नवीन ASTR प्रणाली
रॉयटर्सचे अकाउंट का ब्लॉक करण्यात आले?
प्राप्त माहितीनुसार, ऑपरेशन सिंदूर दरम्यान 7 मे रोजी एक आदेश जारी करण्यात आला होता परंतु तो अंमलात आणला गेला नाही. परंतु, एक्सने आता तो जुना आदेश अंमलात आणला आहे, जो त्यांच्याकडून चुकीने झाला असावा. सरकारने ही चूक लवकरात लवकर दुरुस्त करण्यासाठी एक्सशी चर्चा केली आहे.
हेही वाचा – YouTube ने बदलली पॉलिसी! 'हे' व्हिडिओ अपलोड केल्यास मिळणार नाहीत पैसे
सध्या, रॉयटर्स टेक न्यूज, रॉयटर्स फॅक्ट चेक, रॉयटर्स एशिया आणि रॉयटर्स चायना सारखी रॉयटर्सची काही इतर खाती भारतात चालू आहेत. परंतु, रॉयटर्सचे मुख्य खाते आणि रॉयटर्स वर्ल्ड हँडल उघडत नाहीत.
