वडोदरा: 'ऑपरेशन सिंदूर'च्या यशानंतर, पंतप्रधान नरेंद्र मोदी पहिल्यांदाच त्यांच्या गृहराज्य गुजरातच्या दोन दिवसांच्या दौऱ्यावर आले आहेत. पंतप्रधान मोदींनी वडोदरा येथून गुजरात दौऱ्याची सुरुवात केली. येथे त्यांनी रोड शो केला आणि लोकांचे अभिवादन स्वीकारले. पंतप्रधान नरेंद्र मोदी यांनी विमानतळापासून हवाई दलाच्या गेटपर्यंत एक किलोमीटर लांबीचा रोड शो केला. या रोड शोला 'सिंदूर सन्मान यात्रा' असे नाव देण्यात आले आहे.
वडोदरा नंतर ते दाहोदमध्ये जाहीर सभा –
पंतप्रधान मोदी आज गुजरातमध्ये तीन रोड शो आणि तीन कार्यक्रमांमध्ये सहभागी होतील. वडोदरा नंतर, पंतप्रधान मोदी दाहोद येथे एका जाहीर सभेला संबोधित करतील. या काळात अनेक रेल्वे प्रकल्पांचे उद्घाटन केले जाईल. दुपारी, पंतप्रधान भूज आणि अहमदाबादमध्ये रोड शो करतील. सोमवारी रात्री ते राजभवनात राहतील. दुसऱ्या दिवशी, 27 मे रोजी, मोदी गांधीनगरमधील महात्मा मंदिर नगरविकास मंत्रालयाच्या कार्यक्रमाला उपस्थित राहतील. यानंतर ते अहमदाबादहून दिल्लीला रवाना होतील. पंतप्रधान दोन दिवसांत 77400 कोटी रुपयांपेक्षा जास्त किमतीच्या प्रकल्पांचे उद्घाटन करतील.
हेही वाचा –लालू यादव यांचा मुलगा तेज प्रतापला धक्का! RJD मधून 6 वर्षांसाठी हकालपट्टी
या स्वागत समारंभात भारतीय लष्करातील शूर अधिकारी कर्नल सोफिया कुरेशी यांचे कुटुंबही सहभागी झाले होते. वडोदरा विमानतळापासून रोड शोपर्यंत, पंतप्रधान मोदींचे 25 हजारांहून अधिक महिलांनी जल्लोषात स्वागत केले. कर्नल सोफियाचे आई-वडील, भाऊ आणि जुळी बहीण या कार्यक्रमात उपस्थित होते. दरम्यान, कर्नल सोफिया कुरेशी यांच्या आई हलिमा कुरेशी यांनी पंतप्रधान मोदींची भेट घेतली आणि त्यांच्या भावना व्यक्त केल्या.
हेही वाचा – 'पाकिस्तानने सहकार्याची शेवटची संधी गमावली'; अमेरिकेत शशी थरूर यांचा दहशतवादावर जगाला संदेश
पंतप्रधान नरेंद्र मोदी 6 राज्यांचा दौरा करणार –
पंतप्रधान नरेंद्र मोदी या आठवड्यात 6 दिवसांत 6 राज्यांचा दौरा करणार आहेत. या काळात ते गुजरात, सिक्कीम, पश्चिम बंगाल, उत्तर प्रदेश, बिहार आणि मध्य प्रदेशला भेट देतील. यानंतर, ते 29 मे रोजी सिक्कीम आणि पश्चिम बंगालला भेट देतील. 30 मे रोजी उत्तर प्रदेशातील कानपूर येथे एका जाहीर सभेला संबोधित करतील. त्याच दिवशी ते बिहारमधील पाटणा विमानतळाच्या नवीन टर्मिनलचे उद्घाटन करतील. ते 31 मे रोजी मध्य प्रदेशातील भोपाळला जाणार आहेत.
