बीजिंग: जम्मू आणि काश्मीर राज्यातील पहलगाम दहशतवादी हल्ल्यात मृत्युमुखी पडलेल्या भारतीयांना चीनच्या शांघाय आणि ग्वांगझू प्रांतात श्रद्धांजली वाहण्यात आली. पहलगाम दहशतवादी हल्ल्यात मृत्युमुखी पडलेल्यांना श्रद्धांजली वाहण्यासाठी चीनमधील भारतीय राजनैतिक मिशनने अनेक शोकसभा आयोजित केल्या. या शोकसभा सभांना वाणिज्य दूतावासातील अधिकारी तसेच प्रवासी भारतीय समुदायाचे सदस्य उपस्थित होते.
हेही वाचा – पहलगाम दहशतवादी हल्ल्याबाबत मोठा खुलासा! 15 एप्रिल रोजीच पोहोचले होते दहशतवादी
दहशतवादी हल्ल्यात झालेल्या जीवितहानीबद्दल त्यांनी दुःख व्यक्त केले आणि शोकग्रस्त कुटुंबांना तीव्र संवेदना व्यक्त केल्या. शांघाय येथील भारतीय वाणिज्य दूतावासात कॉन्सुल जनरल प्रतीक माथूर यांच्या नेतृत्वाखाली एक शोकसभा आयोजित करण्यात आली होती.
हेही वाचा – भारताचा आणखी एक ‘स्ट्राइक’! पाकिस्तानी जहाजांना भारतात नो एन्ट्री
In the wake of the terror attack in Pahalgam, the Consulate General of India, Guangzhou organized a solemn event to honor the victims of #PahalgamTerrorAttack, which took place in Jammu and Kashmir on April 22, 2025. The somber gathering included over 60 members of Indian… pic.twitter.com/DUyUuczr0c — India in Guangzhou (@cgiguangzhou) May 2, 2025
पहलगाम दहशतवादी हल्ल्यात 26 जणांचा मृत्यू –
जम्मू आणि काश्मीरमधील पहलगाम येथे 22 एप्रिल रोजी झालेल्या दहशतवादी हल्ल्यात मृत्युमुखी पडलेल्यांना श्रद्धांजली वाहण्यासाठी ग्वांगझू येथील भारतीय वाणिज्य दूतावासाने शोकसभा आयोजित केली. या हल्ल्यात 26 लोक ठार झाले, त्यापैकी बहुतेक पर्यटक होते. 60 हून अधिक अनिवासी भारतीय, वाणिज्य दूतावासाचे अधिकारी या शोकसभेला उपस्थित होते, असे ग्वांगझू वाणिज्य दूतावासाने शुक्रवारी एक्सवर सांगितले. याशिवाय, अनेकजण डिजिटल माध्यमातून शोकसभेला उपस्थित होते.
