Operation Trishul: भारताने पाकिस्तान सीमेवर मोठ्या प्रमाणावर लष्करी तयारी म्हणून ‘ऑपरेशन त्रिशूल’ हा संयुक्त सराव आजपासून सुरू करण्यात आला आहे. हा सराव पश्चिम राजस्थानच्या वाळवंटापासून ते गुजरातच्या सर क्रीकपर्यंत पसरलेला असून पुढील 13 दिवस (30 ऑक्टोबर ते 10 नोव्हेंबर) चालणार आहे. सरकारी माहितीप्रमाणे या सरावात देशाच्या तिन्ही सशस्त्र दलांचे जवळपास 30 हजार सैनिक सहभागी होणार आहेत.
ऑपरेशन त्रिशूल हे केवळ प्रशिक्षण नव्हे, तर बहु-डोमेन (बहु क्षेत्रीय) लढाई क्षमतेचे प्रदर्शन असून त्यात भूपृष्ठावरचे आक्रमक सराव, सागरी उभयचर ऑपरेशन्स, तसेच ISR (बुद्धिमत्ता व देखरेख), इलेक्ट्रॉनिक वॉरफेअर आणि सायबर क्षमता यांचा समावेश राहणार आहे. या कार्यक्रमासाठी संयुक्त इंटीग्रेटेड कमांड अँड कंट्रोल (IOC) केंद्र स्थापन करण्यात आलं आहे. ज्याद्वारे हवाई, नौदल व भूदल यांच्यातील समन्वय साधण्यात येईल.
सरावाचे तीन प्रमुख टप्पे
पहिला टप्पा: गुजराताच्या सर क्रीकसह सागरी किनाऱ्याजवळील अभ्यास (नौदलाचे नेतृत्व).
दुसरा टप्पा: जैसलमेर परिसरातील वाळवंटी भागात थलदलाचे नेतृत्वाखालील सशस्त्र सराव.
तिसरा टप्पा: हवाई दलाचे नेतृत्व, ज्यात हवाई संरक्षण आणि आक्रमक हवाई हल्ल्यांचे प्रत्ययकारक सराव होणार आहेत.
हेही वाचा – Masood Azhar : पंतप्रधान मोदींनी रडवलेल्या दहशतवादी मसूद अझहरची नवीन ऑडिओ क्लिप व्हायरल
सरावाचे उद्दिष्ट
या सरावाचे प्राथमिक उद्दिष्ट म्हणजे क्षेत्राच्या गुप्तचर आणि देखरेखीद्वारे शत्रूच्या हालचाली ओळखणे. यात प्रगत तंत्रज्ञान, ISR क्षमता, इलेक्ट्रॉनिक युद्ध उपकरणे आणि सायबर प्लॅटफॉर्मचा एकत्रितपणे वापर केला जाईल. त्याचप्रमाणे, ऑपरेशन त्रिशूलमध्ये अंतर्गत आणि बाह्य सरावांद्वारे, रिअल-टाइम परिस्थितीत निर्णय घेण्याच्या आणि नियंत्रण पद्धतींची चाचणी घेतली जात आहे. सरावाबाबत स्थानिक नागरिक व शेतकरी यांना मार्गदर्शक सूचना देण्यासाठी आणि हवेत चालणार्या हालचालींमुळे उद्भवू शकणाऱ्या गैरसोयी कमी करण्यासाठी नोटम (NOTAM) जारी केला गेला आहे.
