विजापूर: छत्तीसगड-तेलंगणा सीमेवरील बिजापूर जिल्ह्यातील कर्रेगुट्टाच्या जंगलात सुरक्षा दलांशी झालेल्या चकमकीत तीन नक्षलवादी ठार झाले आहेत. सुरक्षा दलांनी तीन दिवसांपूर्वी सर्वात मोठ्या नक्षलविरोधी कारवाईला सुरुवात केली होती. ही चकमक त्याचाच एक भाग म्हणून सुरू करण्यात आली होती. अद्याप कर्रेगुट्टाच्या जंगलात शोध मोहीम आणि चकमक सुरू आहे.
हेही वाचा – केंद्रीय सुरक्षा समितीकडून हल्ल्याचा तीव्र निषेध; भारताचे पाच निर्णय पाकिस्तानसाठी घातक ठरणार
परिसरात शोध मोहीम सुरू –
सीमावर्ती वनक्षेत्रात नक्षलवाद्यांची उपस्थिती आणि पायाभूत सुविधा नष्ट करण्याच्या उद्देशाने नक्षलवाद्यांविरुद्धच्या या कारवाईत अनेक सुरक्षा तुकड्यांचा सहभाग आहे. मिळालेल्या माहितीनुसार, नक्षलवाद्यांना सर्व बाजूंनी घेरण्यात आले आहे.
हेही वाचा – Pahalgam terror attack: संतोष जगदाळेंवर मुलगी आसावरी जगदाळेने केले अंत्यसंस्कार
चकमकीत तीन नक्षलवादी ठार –
याआधी, अलिकडेच, सुरक्षा दलांनी विजापूर जिल्ह्यात झालेल्या चकमकीत तीन नक्षलवाद्यांना ठार मारले होते. चकमकीच्या ठिकाणाहून मोठ्या प्रमाणात शस्त्रे आणि स्फोटके जप्त करण्यात आली. विजापूर जिल्ह्यातील इंद्रावती भागातील जंगलात नक्षलवाद्यांच्या उपस्थितीच्या माहितीच्या आधारे, जिल्हा राखीव रक्षक (DRG), विजापूर, DRG दंतेवाडा, स्पेशल टास्क फोर्स आणि कमांडो बटालियन फॉर रिझोल्यूट अॅक्शन (COBRA) यांचे संयुक्त पथक ऑपरेशनसाठी गेले होते.
