नवी दिल्ली: मेट गाला म्हणून प्रसिद्ध असलेला कॉस्च्युम इन्स्टिट्यूट गाला हा फॅशन जगतातील प्रतिष्ठित आणि ग्लॅमरस कार्यक्रमांपैकी एक आहे. हा फॅशन इव्हेंट त्याच्या अनोख्या फॅशन, सेलिब्रिटींची उपस्थिती आणि विशेष थीमसाठी ओळखला जातो. दरवर्षी या उत्सवाची एक विशिष्ट थीम असते आणि पाहुण्यांना त्या थीमनुसार कपडे घालावे लागतात. मेट गाला गेल्या 77 वर्षांपासून आयोजित केला जात आहे. यावेळी मेट गालाच्या रेड कार्पेटवर अनेक बॉलिवूड सेलिब्रिटीही त्यांची फॅशन दाखवतील. मेट गाला कधी आणि कुठे सुरू होत आहे आणि यात कोण-कोण सहभागी होणार आहे ते जाणून घेऊयात.
मेट गाला कोठे होणार?
मेट गाला हा न्यू यॉर्क शहरातील एक प्रमुख फॅशन कार्यक्रम आहे जो दरवर्षी मेट्रोपॉलिटन म्युझियम ऑफ आर्टमध्ये आयोजित केला जातो. ही एक प्रकारची पार्टी आहे आणि ती आयोजित करण्याचा उद्देश संग्रहालयाच्या कपडे विभागासाठी (कॉस्च्युम इन्स्टिट्यूट) पैसे उभारणे आहे. व्होग नावाचे एक प्रसिद्ध मासिक या कार्यक्रमाचे आयोजन करते.
मेट गाला 2025 ची थीम –
मेट गालाची खासियत म्हणजे दरवर्षी एक नवीन थीम ठरवली जाते आणि सेलिब्रिटी त्यानुसार पोशाख घालतात. यावेळी मेट गालाची थीम 'सुपरफाईन: टेलरिंग ब्लॅक स्टाइल' आहे, जी काळ्या फॅशन वारशाने प्रेरित आहे. कार्यक्रमाच्या ड्रेस कोडबद्दल बोलायचे झाले तर, तो 'टेलर्ड फॉर यू' वर आधारित असेल आणि पाहुण्यांना क्लासिक पुरुषांच्या पोशाखात स्वतःला स्टाईल करावे लागेल.
हेही वाचा – अनिल कपूरवर कोसळला दुःखाचा डोंगर! आई निर्मल कपूर यांचे निधन
मेट गाला कधी आणि कुठे आयोजित केला जाईल?
याहू एंटरटेनमेंटच्या मते, या वर्षीचा मेट गाला उद्या, 5 मे रोजी न्यू यॉर्क शहरातील मेट्रोपॉलिटन म्युझियम ऑफ आर्ट येथे होणार आहे. दरवर्षी तो मेट्रोपॉलिटन म्युझियम ऑफ आर्टमध्ये आयोजित केले जातो. हा कार्यक्रम न्यू यॉर्कमध्ये दुपारी 4.30 वाजता सुरू होईल.
हेही वाचा – अंबानी कुटुंबावर ढासळला दु:खाचा डोंगर; लाडका कुत्रा 'हॅपी'चा मृत्यू
मेट गालामध्ये कोणते बॉलिवूड सेलिब्रिटी उपस्थित राहणार?
यंदाच्या मेट गालाला प्रियांका चोप्रा तिच्या फॅशनचे प्रदर्शन करताना दिसणार आहे. ती पाचव्यांदा मेट गालामध्ये रेड कार्पेटवर दिसणार आहे. याशिवाय, शाहरुख खान देखील पहिल्यांदाच मेट गालाचा भाग होणार आहे. दरम्यान, गर्भवती कियारा अडवाणी, दिलजीत दोसांझ आणि ईशा अंबानी हे देखील मेट गालाचा भाग असणार आहेत.
