Malcolm Jamal Warner Death: 80 च्या दशकात प्रसिद्ध अमेरिकन टीव्ही शो 'द कॉस्बी शो' मध्ये थियो हक्सटेबलची भूमिका साकारून प्रेक्षकांची मने जिंकणारे अभिनेता माल्कम-जमाल वॉर्नरचे निधन झाले आहे. या अभिनेत्याने वयाच्या 54 व्या वर्षी अखेरचा श्वास घेतला. कोस्टा रिकाच्या समुद्रकिनाऱ्यावर पोहताना त्यांचा बुडून मृत्यू झाला.
कोस्टा रिकाच्या न्यायिक तपास संस्थेनुसार, रविवारी दुपारी लिमन प्रांतातील प्लेया ग्रांडे डी कोकल्स समुद्रकिनाऱ्यावर वॉर्नर समुद्रात पोहत असताना ही घटना घडली. असे सांगितले जात आहे की अचानक आलेल्या तीव्र समुद्राच्या प्रवाहाने त्याला खोल पाण्याकडे खेचले. समुद्रात बुडल्यानंतर, वॉर्नरला तेथे उपस्थित असलेल्या लोकांनी बाहेर काढले, परंतु आपत्कालीन सेवा म्हणजेच कोस्टा रिका रेडक्रॉस टीम पोहोचेपर्यंत त्याचा मृत्य झाला होता. अभिनेत्याला रुग्णालयात नेले असता डॉक्टरांनी त्याला मृत घोषित केले.
हेही वाचा – 'डॉन' चित्रपटाचे दिग्दर्शक चंद्रा बारोट यांचे निधन
1984 ते 1992 पर्यंत चालणाऱ्या लोकप्रिय सिटकॉम 'द कॉस्बी शो' मध्ये थियो हक्सटेबलची भूमिका साकारल्यानंतर माल्कम-जमाल वॉर्नर प्रत्येक अमेरिकन घराघरात प्रसिद्ध झाला. या शोमध्ये ते डॉक्टर हक्सटेबलचे धाकटे पुत्र होते. थियोची भूमिका साकारणारा वॉर्नर केवळ एक उत्तम अभिनेता नव्हता तर नंतर दिग्दर्शक आणि निर्माता म्हणूनही त्याने आपला ठसा उमटवला.
हेही वाचा – संगीता बिजलानी यांच्या लोणावळा फार्म हाऊसमध्ये चोरी
माल्कम-जमाल वॉर्नरच्या मृत्यूची बातमी पसरताच हॉलिवूड आणि टीव्ही इंडस्ट्रीमध्ये शोककळा पसरली. त्यांच्या सहकलाकारांनी आणि चाहत्यांनी सोशल मीडियावर त्यांना भावनिक श्रद्धांजली वाहिली.
