Vladimir Putin Anti Aging Medicine : रशियाचे राष्ट्राध्यक्ष व्लादिमीर पुतिन यांच्या दीर्घायुष्याच्या महत्त्वाकांक्षेने आता रशियन वैज्ञानिकांवर दबाव वाढला आहे. नोव्हेंबरमध्ये एका AI समिटमध्ये 73 वर्षीय पुतिन यांनी मानवी आयुष्य 150 वर्षांपर्यंत वाढवता येऊ शकते, असे विधान केले होते. हे केवळ विधान नसून त्यांच्या सत्तेत दीर्घकाळ राहण्याच्या महत्त्वाकांक्षेचा भाग असल्याचे मानले जात आहे. रशियाचे विज्ञान आणि शिक्षण मंत्री डेनिस सेकिरिंस्की यांनी नुकताच दावा केला आहे की, त्यांचे वैज्ञानिक जगातील पहिले असे औषध तयार करत आहेत जे पेशींचे वृद्धत्व रोखू शकेल. या ‘नॅशनल मिशन’ अंतर्गत 2030 पर्यंत सुमारे 1,75,000 लोकांना वाचवण्याचे मोठे उद्दिष्ट रशियाने ठेवले आहे.
RAGE जीन आणि संशोधनाचे स्वरूप
रशियन वैज्ञानिक सध्या ‘RAGE’ (Receptor for Advanced Glycation Endproducts) नावाच्या विशिष्ट जीनवर काम करत आहेत. हा जीन मानवी शरीरातील पेशींच्या वृद्धत्वासाठी कारणीभूत मानला जातो. संशोधनानुसार,
जीन ब्लॉकिंग: हे नवीन औषध किंवा जीन थेरपी RAGE जीनला ब्लॉक करण्याचे काम करेल, ज्यामुळे पेशींच्या म्हाताऱ्या होण्याच्या प्रक्रियेला खीळ बसेल.
तरुण पेशी: या प्रक्रियेमुळे पेशी दीर्घकाळ तरुण राहतील आणि मानवी शरीराची कार्यक्षमता वाढेल.
संशोधन केंद्र: हे क्रांतिकारी संशोधन रशियाच्या ‘बायोलॉजी ऑफ एजिंग अँड मेडिसिन इन्स्टिट्यूट’ मध्ये युद्धपातळीवर सुरू आहे.
वैज्ञानिकांवर सरकारचा प्रचंड दबाव
पुतिन यांच्या या ध्येयासाठी रशियन वैज्ञानिकांवर सध्या मोठा दबाव आहे. सरकारने सर्व संशोधकांना त्यांचे वृद्धत्वाविरुद्धचे सर्व रिसर्च आणि प्रस्ताव त्वरित सादर करण्याचे आदेश दिले आहेत. यामध्ये प्रामुख्याने खालील विषयांवर लक्ष केंद्रित करण्यास सांगितले आहे –
– मेंदू आणि ज्ञानेंद्रियांची कमकुवतता रोखण्याचे उपाय.
– रोगप्रतिकारक शक्ती (Immune System) सुधारण्याचे नवीन तंत्र.
– बायोप्रिंटिंग आणि पेशींचे नुकसान टाळण्याची नवीन वैद्यकीय तंत्रज्ञाने.
– पुतिन यांच्या आधुनिक सोयींनी सज्ज असलेल्या संपूर्ण राजवाड्यामध्ये विशेष रुग्णालये उभारली गेली असून, त्यांची मोठी मुलगी मारिया वोरोन्त्सोवा हीदेखील एंडोक्रिनोलॉजिस्ट असून ती या संशोधनात सक्रिय असल्याचे म्हटले जाते.
??? ??? Russia developing eternal youth vax Russian scientists are working on world’s first anti-aging vaccine. The novel therapy aims to target the RAGE receptor, whose activation launches the aging of a cell. Blocking this gene can prolong youth, Denis Sekirinsky,… pic.twitter.com/Z03Ypsn0nv — Sputnik (@SputnikInt) April 25, 2026
सत्तांतराची रणनीती आणि अमरतेची चर्चा
पुतिन यांनी चिनी राष्ट्राध्यक्ष शी जिनपिंग यांच्याशी झालेल्या संवादात मानवी अवयवांचे वारंवार प्रत्यारोपण करण्याच्या शक्यतेवर चर्चा केली होती. या दीर्घायुष्याच्या ध्येयामागे एक राजकीय रणनीती असल्याचेही बोलले जाते. पुतिन यांना आपला 11 वर्षांचा मुलगा इवान स्पिरोडोनोव याला भविष्यात सत्ता सोपवायची आहे. 2050 मध्ये इवान 35 वर्षांचा होईल. हे रशियात राष्ट्राध्यक्ष पदाची निवडणूक लढवण्यासाठी आवश्यक वय आहे. तोपर्यंत स्वतःला तरुण आणि सक्रिय ठेवण्यासाठी पुतिन या अँटी-एजिंग औषधांकडे एक महत्त्वाचे साधन म्हणून पाहत आहेत.
अँटी-एजिंग गुरुचा मृत्यू आणि पुढील आव्हाने
गेल्या वर्षी पुतिन यांचे दीर्घकाळाचे अँटी-एजिंग सल्लागार प्रोफेसर व्लादिमीर खाविन्सन यांचा 77 व्या वर्षी अचानक मृत्यू झाला, तेव्हा पुतिन यांना मोठा धक्का बसला होता. खाविन्सन यांनी मानवाचा वयोगट 110 ते 120 पर्यंत नेण्याचे तंत्र विकसित केल्याचा दावा केला होता. पुतिन आणि त्यांची प्रेमिका अलिना काबाएवा हे खाविन्सन यांनी सोव्हिएत लष्करासाठी तयार केलेले अँटी-एजिंग कॉकटेल घेत असल्याचेही बोलले जाते. जरी रशिया या संशोधनात आघाडीवर असल्याचा दावा करत असला, तरी प्रत्यक्षात ही औषधे किती प्रभावी ठरतील आणि पुतिन यांचे स्वप्न पूर्ण होईल का, याकडे संपूर्ण जगाचे लक्ष लागले आहे.
हेही वाचा – ऐकावं ते नवलंच! चक्क पैसे देऊन तुरुंगात जातात कैदी, ‘या’ देशात मिळतो ऐच्छिक कारावास
