‘मी नरकात जाईन, पण पाकिस्तानात…’; जिहादी म्हटल्यानंतर जावेद अख्तर यांनी सोडलं मौन

मुंबई: बॉलिवूडचे ज्येष्ठ गीतकार आणि पटकथा लेखक जावेद अख्तर नेहमीच त्यांच्या विधानांमुळे अनेकदा चर्चेत असतात. जावेद अख्तर हे त्यांच्या चित्रपटांसाठी आणि गाण्यांसाठी तसेच त्यांच्या स्पष्टवक्त्यासाठी ओळखले जातात. सामाजिक विषयांवर आपले मत व्यक्त करण्यास तेकधीही मागेपुढे पाहत नाही. गेल्या काही दिवसांपासून भारत आणि पाकिस्तानमध्ये तणाव आहे. आता जावेद अख्तर यांनीही यावर प्रतिक्रिया दिली आहे. मुंबईत एका पुस्तक प्रकाशन कार्यक्रमात जावेद अख्तर यांनी म्हटलं आहे की, 'माझ्या ट्विटकडे बघा, त्यात खूप शिव्या आहेत, मला दोन्ही बाजूंनी शिव्या दिल्या जातात, बरेच लोक माझी प्रशंसा करतात, पण हे खरे आहे की दोन्ही बाजूंचे लोक मला शिव्या देतात.' 

पाकिस्तानपेक्षा मी नरकात जाणे पसंत करेल – 

यावेळी जावेद अख्तर यांनी म्हटलं की, 'एकीकडे, काही लोक म्हणतात की तुम्ही काफिर आहात. तुम्ही नरकात जा. दुसरीकडे, काही लोक मला तू जिहादी आहेस आणि तू पाकिस्तानला जायला हवे, असं म्हणतात. पण जर मला पाकिस्तान किंवा नरक यापैकी एक निवडण्याची संधी मिळाली तर मी नरकात जाणे पसंत करेन.'

हेही वाचा – 'जर बाबू भैय्या नसतील, तर श्यामचं काही अस्तित्व नाही' हेरा फेरी 3 मधून सुनील शेट्टीची एक्झिट?

जावेद अख्तर यांनी म्हटलं आहे की, 'काय होतंय की जर तुम्ही फक्त एकाच बाजूच्या वतीने बोललात तर तुम्ही फक्त एकाच बाजूला दुखावता. पण जर तुम्ही सर्वांच्या बाजूने बोललात तर तुम्ही अधिक लोकांना दुःखी करता. मी तुम्हाला माझे ट्विटर (आता एक्स) आणि व्हॉट्सअॅप दाखवू शकतो, ज्यामध्ये दोन्ही बाजूंनी माझा गैरवापर होत आहे. बरेच लोक माझे कौतुक करतात, माझी प्रशंसा करतात आणि माझा उत्साह टिकवून ठेवण्यास मदत करतात, परंतु हे देखील खरे आहे की दोन्ही बाजूंचे कट्टरपंथी माझा गैरवापर करतात. 

हेही वाचा – लग्नाआधीच प्रेग्नंट होती नीना गुप्ता; विव्हियन रिचर्ड्सला कळल्यानंतर तो म्हणाला…

टीकेसाठी तयार असले पाहिजे – जावेद अख्तर

जेव्हा मी मुंबईत आलो तेव्हा मी साडेएकोणीस वर्षांचा होतो. मी महाराष्ट्राला आपली कर्मभूमी मानतो. मला जे काही मिळाले आहे, आज मी जे काही आहे ते सर्व मुंबईची देणगी आहे, असंही यावेळी जावेद अख्तर यांनी नमूद केलं. तथापि, जावेद अख्तर यांनी अनेकदा राजकीय आणि सामाजिक मुद्द्यांवर उघडपणे आपले मत व्यक्त केले आहे, ज्यामुळे त्यांच्यावर अनेकदा टीका होते. परंतु, या टीकेला ते तयार असल्याचंही अख्तर यांनी म्हटलं आहे.