नवी दिल्ली: पंजाब नॅशनल बँकेने बुधवारी आपल्या ग्राहकांना दिलासा देत खात्यात मिनिमम बॅलन्स नसल्यास दंड आकारण्यात येणार नाही, अशी घोषणा केली. आता देशातील सरकारी बँक इंडियन बँकेनेही आपल्या कोट्यवधी ग्राहकांना एक आनंदाची बातमी दिली आहे. खरंतर, इंडियन बँक आता आपल्या खात्यात किमान शिल्लक न ठेवल्याबद्दल ग्राहकांवर कोणतेही शुल्क आकारणार नाही. बँकेच्या या निर्णयाचा ग्राहकांना मोठा फायदा होणार आहे. त्यांना खात्यात किमान शिल्लक ठेवण्याची चिंता करावी लागणार नाही.
हेही वाचा – Personal Loan : पहिल्यांदाच पर्सनल लोन घेताय? या 5 चुका करू शकतात तुमचा खिसा रिकामा
बचत खात्यासंदर्भात नवीन नियम –
आता इंडियन बँकेच्या ग्राहकांना बचत खात्यात किमान सरासरी शिल्लक न ठेवल्यास कोणताही दंड आकारण्यात येणार नाही. बँकेचा हा नवीन नियम 7 जुलैपासून लागू होईल. किमान सरासरी शिल्लक म्हणजेच MAB ही रक्कम आहे जी ग्राहकाने त्याच्या खात्यात ठेवणे आवश्यक आहे. जर ग्राहकांनी ही सरासरी शिल्लक राखली नाही तर बँक ग्राहकांना दंड आकारू शकते.
हेही वाचा – महत्वाची बातमी: 1 जुलैपासून UPI आणि तात्काळ तिकीट बुकिंगसह अनेक नियमांमध्ये मोठे बदल; जाणून घ्या
कोणाला होणार फायदा?
दरम्यान, बँकेच्या या निर्णयाचा फायदा विद्यार्थी, ज्येष्ठ नागरिक आणि ग्रामीण भागातील ग्राहकांना मिळेल. या निर्णयामुळे, अधिकाधिक लोक बँकिंग सेवेशी जोडू शकतील. कॅनरा बँक आणि पीएनबीनेही हा निर्णय घेतला होता. इंडियन बँकेपूर्वी, कॅनरा बँक आणि पंजाब नॅशनल बँक म्हणजेच पीएनबीनेही त्यांचे किमान सरासरी शिल्लक न राखल्याबद्दलचे शुल्क रद्द केले आहे.
