Missile Attack on Odesa Port: रशियाच्या हल्ल्यात युक्रेनचे ओडेसा बंदर उद्ध्वस्त; 8 जणांचा मृत्यू, 27 जखमी

Missile Attack on Odesa Port: दक्षिण युक्रेनमधील ओडेसा शहरातील बंदराच्या पायाभूत सुविधांवर रशियाने केलेल्या भीषण क्षेपणास्त्र हल्ल्यात किमान आठ जणांचा मृत्यू झाला असून 27 जण जखमी झाले आहेत. युक्रेनच्या आपत्कालीन सेवेने शनिवारी सकाळी ही माहिती दिली. हल्ल्याच्या वेळी बसमधील काही प्रवासी जखमी झाले, तर पार्किंगमध्ये उभ्या असलेल्या एका ट्रकला आग लागून अनेक वाहनांचे नुकसान झाले. ओडेसा प्रदेशाचे प्रमुख ओलेश किपर यांनी सांगितले की बंदरावर बॅलिस्टिक क्षेपणास्त्रांद्वारे हल्ला करण्यात आला. रात्री उशिरा झालेल्या या हल्ल्याचे केंद्रबिंदू बंदर परिसरातील वाहतूक व्यवस्था होती.

हेही वाचा – Ulhas Bagul Join Shinde Shiv Sena: महापालिका निवडणुकीपूर्वी पुण्यात मोठी उलथापालथ; काँग्रेसच्या बड्या नेत्याने हाती घेतला धनुष्यबाण

युक्रेनचा प्रतिहल्ला

रशियन हल्ल्याला प्रत्युत्तर म्हणून युक्रेनियन सैन्याने ड्रोनद्वारे रशियन युद्धनौका व इतर सुविधांना लक्ष्य केले. युक्रेनच्या जनरल स्टाफने दिलेल्या माहितीनुसार, शुक्रवारी रात्री कॅस्पियन समुद्रातील तेल व वायू उत्पादन प्लॅटफॉर्मजवळ गस्त घालत असलेल्या रशियन युद्धनौका ‘ओखोटनिक’ वर हल्ला करण्यात आला. तसेच फिलानोव्स्की तेल व वायू क्षेत्रातील ड्रिलिंग प्लॅटफॉर्मलाही लक्ष्य करण्यात आले. ही सुविधा रशियन तेल कंपनी ल्युकोइल चालवते.

हेही वाचा – Vasant More Speech: भाजपच्या जाहीरनाम्यांचा दाखला देत वसंत मोरेंचा हल्लाबोल; आक्रमक भाषण ऐकून आदित्य ठाकरे बघतच राहिले

??? Terrible…
7 killed. 15 injured. russian terrorists struck port infrastructure in the Odesa region.
People were killed in their cars. Ordinary lives. Ordinary roads. This is what russia brings.
Nothing else. pic.twitter.com/zWnmI4bD2f — Angelica Shalagina?? (@angelshalagina) December 19, 2025

पुतिन यांची भूमिका

याशिवाय, 2014 मध्ये रशियाने बेकायदेशीरपणे ताब्यात घेतलेल्या क्रिमियातील क्रॅस्नोसेल्स्की प्रदेशातील रडार प्रणालीवरही युक्रेनियन ड्रोनने हल्ला केल्याचे सांगण्यात आले. एकूण नुकसानाचे प्रमाण अद्याप स्पष्ट झालेले नाही. दरम्यान, रशियाचे अध्यक्ष व्लादिमीर पुतिन यांनी युक्रेनमधील युद्ध स्वतःच्या अटींवर थांबवण्याची तयारी दर्शवली आहे. पुढील वर्षी शांतता हवी असेल, तर युक्रेनने शांतता चर्चेतील आपली अटी मागे घ्याव्यात आणि रशियाच्या ताब्यातील प्रदेशांवरील दावे सोडावेत, असे पुतिन यांनी स्पष्ट केले आहे.