हैदराबाद: हैदराबादमधून अत्यंत धक्कादायक बातमी समोर येत आहे. ऑनलाइन गेमिंगच्या व्यसनाने आणखी एक तरुण बळी गेला आहे. गद्दामेदी वेंकटेश (वय 23) या युवकाने लुडो गेम खेळताना तब्बल 5 लाख रुपये गमावले. त्यानंतर नैराश्यातून विष प्राशन करून त्याने आपली जीवनयात्रा संपवली. या घटनेमुळे गद्दामेदी वेंकटेशच्या कुटुंबियांवर दु:खाचा डोंगर कोसळला आहे.
हेही वाचा – गुजरात ATS ची मोठी कारवाई; अल कायदाशी संबंधित 4 दहशतवाद्यांना अटक
वेंकटेश मूळचा महबूबनगर जिल्ह्यातील जकलेर गावचा असून, सध्या तो हैदराबादमधील एका रोस्ट कॅफेमध्ये माळी म्हणून काम करत होता. ऑनलाइन लुडो गेममध्ये त्याचे मोठे आर्थिक नुकसान झाले. त्यानंतर हताश झालेल्या वेंकटेशने विष प्राशन करून आयुष्य संपवलं. पोलिसांनी या प्रकरणाचा तपास सुरू केला आहे.
हेही वाचा – 9 वर्षांच्या मुलीचा हृदयविकाराच्या झटक्याने मृत्यू; लक्षणे आणि प्रतिबंधात्मक उपाय घ्या जाणून
యువకుడి ప్రాణాలు తీసిన లూడో గేమ్ ఆన్లైన్లో లూడో గేము ఆడి.. రూ.5 లక్షలు నష్టపోవడంతో యువకుడి ఆత్మహత్య మహబూబ్నగర్ జిల్లా నర్వ మండలం జాక్లెర్ గ్రామంనుండి 4 ఏళ్ల క్రితం హైదరాబాద్కు వచ్చి, రోస్ట్ కేఫ్లో తోటమాలిగా పనిచేస్తున్న గడ్డమీడి వెంకటేష్(23) అనే యువకుడు ఒక యాప్లో లూడో… pic.twitter.com/SiFtqVvW0O — Telugu Scribe (@TeluguScribe) July 23, 2025
या घटनेमुळे वेंकटेशच्या कुटुंबाला आणि मित्रांना धक्का बसला आहे. पोलिसांनी या प्रकरणाची चौकशी सुरू केली आहे. तरुणाच्या दुःखद आत्महत्येचे प्रकरण ऑनलाइन जुगार खेळण्याचे धोके अधोरेखित करते. खऱ्या पैशांचा वापर करणारे ऑनलाइन गेमिंग धोकादायक असून जीवघेणे ठरू शकतात. सध्या ऑनलाइन प्लॅटफॉर्मवर चालणाऱ्या आर्थिक व्यवहारांवर सरकारने त्वरित लक्ष घालावे, अशी मागणी देखील अनेक सामाजिक कार्यकर्त्यांकडून होत आहे.
