Gold Price Today: अमेरिकेचे राष्ट्राध्यक्ष डोनाल्ड ट्रम्प यांनी इराणसोबतचा अंतरिम शांतता करार संपुष्टात आणल्याची घोषणा केल्यानंतर अमेरिकेने इराणच्या लष्करी तळांवर आणि रेल्वे पुलावर हवाई हल्ले केले आहेत. होर्मुझ सामुद्रधुनीतून जाणाऱ्या व्यापारी जहाजांवर इराणने हल्ले केल्याचा आरोप अमेरिकेने यापूर्वी केला होता. मात्र, अमेरिकन डॉलर आणि बाँड यिल्ड मजबूत झाल्यामुळे जागतिक बाजारात मौल्यवान धातूंच्या किमतींवर मोठा दबाव निर्माण झाला आहे. पश्चिम आशियातील या वाढत्या भू-राजकीय तणावामुळे आंतरराष्ट्रीय बाजारात कच्च्या तेलाच्या किमती पुन्हा भडकल्या आहेत. तर, भारतात 22 आणि 24 कॅरेट सोन्याचे दर लक्षणीयरीत्या कमी झाले आहेत. सद्यस्थितीत आंतरराष्ट्रीय बाजारात स्पॉट गोल्डचा दर 4,056.24 डॉलर प्रति औंस इतका नोंदवला गेला आहे.
प्रमुख शहरांमधील 24 कॅरेट सोन्याचे नवीन दर
देशातील विविध प्रमुख शहरांमध्ये 24 कॅरेट सोन्याच्या किमतीत घट पाहायला मिळत आहे.
– राजधानी दिल्लीमध्ये 24 कॅरेट सोन्याचा दर प्रति 10 ग्रॅमसाठी 1,43,270 रुपये इतका झाला आहे.
– मुंबई, पुणे, कोलकाता आणि बंगळुरू या शहरांमध्ये 24 कॅरेट सोन्याची किंमत 1,43,120 रुपये प्रति 10 ग्रॅमवर पोहोचली आहे.
– अहमदाबाद आणि भोपाळमध्ये ग्राहकांना 24 कॅरेट सोन्यासाठी प्रति 10 ग्रॅम 1,43,170 रुपये मोजावे लागत आहेत.
– जयपूर, लखनऊ आणि चंदीगड येथे हा दर 1,43,270 रुपये आहे, तर चेन्नईमध्ये सोने थोडे महाग असून तिथे 24 कॅरेट सोन्याचा भाव 1,44,540 रुपये प्रति 10 ग्रॅम आहे.
22 कॅरेट सोन्याच्या किमतीतील घसरण
शुद्ध सोन्यासोबतच दागिने बनवण्यासाठी वापरल्या जाणाऱ्या 22 कॅरेट सोन्याच्या दरातही मोठी कपात झाली आहे.
– दिल्ली, जयपूर, लखनऊ आणि चंदीगडमध्ये 22 कॅरेट सोन्याचा दर 1,31,340 रुपये प्रति 10 ग्रॅम इतका निश्चित झाला आहे.
– मुंबई, कोलकाता, हैदराबाद, पुणे आणि बंगळुरू या शहरांमध्ये 22 कॅरेट सोन्याचा भाव 1,31,190 रुपये प्रति 10 ग्रॅमवर आला आहे.
– अहमदाबाद आणि भोपाळमध्ये 22 कॅरेट सोन्याचा दर 1,31,240 रुपये प्रति 10 ग्रॅम आहे.
– चेन्नईमध्ये 22 कॅरेट सोन्याचा दर इतर शहरांच्या तुलनेत अधिक म्हणजेच 1,32,490 रुपये प्रति 10 ग्रॅम इतका नोंदवला गेला आहे.
चांदीच्या दरातही घसरण कायम
सोन्याच्या पावलावर पाऊल ठेवत देशांतर्गत बाजारात चांदीच्या दरातही सलग घसरण पाहायला मिळत आहे. 9 जुलैच्या सकाळी देशात चांदीचा दर 2,44,900 रुपये प्रति किलो एवढ्या किमतीवर खाली आला आहे. आंतरराष्ट्रीय बाजाराचा विचार केल्यास तिथे स्पॉट सिल्व्हरची किंमत सध्या 58.61 डॉलर प्रति औंसवर व्यापार करत आहे.
स्थानिक मागणी आणि कर रचना या घटकांसोबतच आंतरराष्ट्रीय घडामोडींचा सोन्या-चांदीच्या रोजच्या किमतीवर थेट परिणाम होत असल्याचे बाजार तज्ज्ञांचे म्हणणे आहे.
हेही वाचा – Sugar Price Hike: सणासुदीपूर्वीच साखर महागली; महिनाभरात किमती 6 ते 7 टक्क्यांनी वाढल्या
