Dhurandhar Box Office Collection: ‘धुरंधर’ची 600 कोटींची मजल; 20 व्या दिवशीही रेकॉर्डब्रेक कमाई

Dhurandhar Box Office Collection: बॉलिवूड सुपरस्टार रणवीर सिंगचा 'धुरंधर' हा चित्रपट सध्या बॉक्स ऑफिसवर नवनवे विक्रम प्रस्थापित करत आहे. प्रदर्शित झाल्यापासून प्रेक्षकांच्या पसंतीस उतरलेल्या या चित्रपटाने अवघ्या 20 दिवसांत भारतीय बाजारपेठेत 607 कोटींपेक्षा जास्त कमाई करून ऐतिहासिक कामगिरी केली आहे.

बॉक्स ऑफिसवर 'धुरंधर'ची यशस्वी घोडदौड

5 डिसेंबर रोजी चित्रपटगृहात प्रदर्शित झालेल्या या स्पाय थ्रिलरने पहिल्या दिवसापासूनच आपले वर्चस्व गाजवले आहे. विशेष म्हणजे, प्रदर्शनाच्या 20 व्या दिवशीही चित्रपटाने आपली पकड मजबूत ठेवत दुहेरी अंकी (Double Digit) कमाई केली आहे. SACNILC च्या अहवालानुसार, चित्रपटाने पहिल्या आठवड्यात 207.25 कोटींची विक्रमी कमाई केली होती.

तगडी स्टारकास्ट आणि भव्य प्रदर्शन

आदित्य धर यांच्या दिग्दर्शनाखाली बनलेल्या या हाय-ऑक्टेन ॲक्शन-थ्रिलरमध्ये रणवीर सिंगसोबत अक्षय खन्ना, अर्जुन रामपाल, संजय दत्त आणि आर माधवन यांसारख्या दिग्गज कलाकारांच्या मुख्य भूमिका आहेत. जिओ स्टुडिओज आणि बी 62 स्टुडिओजची निर्मिती असलेला हा चित्रपट भारतात सुमारे 5,000 स्क्रीन्सवर प्रदर्शित झाला आहे.

हेही वाचा – Sunita Ahuja On Govinda Affair : 'ती त्याच्यावर प्रेम करत नाही, तिला फक्त…'; सुनीता आहुजाचा गोविंदाच्या अफेअरवर खळबळजनक खुलासा

प्रेक्षक आणि समीक्षकांची पसंती

चित्रपटाला समीक्षक आणि चाहते दोघांकडूनही सकारात्मक प्रतिसाद मिळत आहे. सोशल मीडियावर चित्रपटाची प्रचंड चर्चा असून, अनेक ठिकाणी चाहते मध्यरात्रीच्या शोसाठी देखील गर्दी करत असल्याचे चित्र दिसत आहे.

हेही वाचा – Sayaji Shinde: सयाजी शिंदेंच्या सह्याद्री देवराईला भीषण आग; वर्षानुवर्षांची मेहनत काही तासांत भस्मसात

'धुरंधर 2'  

या यशानंतर निर्मात्यांनी चित्रपटाच्या दुसऱ्या भागाची अधिकृत घोषणा केली आहे. सत्य घटनांपासून प्रेरित असलेला 'धुरंधर' चा भाग 2, 19 मार्च 2026 रोजी ईद आणि गुढीपाडव्याच्या मुहूर्तावर प्रदर्शित होणार आहे. हा चित्रपट हिंदीसह तेलुगू, तमिळ, कन्नड आणि मल्याळम अशा पाच भाषांमध्ये प्रदर्शित केला जाईल.